Со одличните партии, асистенции, како и 22 гола, Винисиус Жуниор беше една од најважните карики лани во шампионска година на Реал Мадрид. Но кралевите сезонава го губат чекорот со Барса која им бега 9 бода, а Бразилецот кој по Мундијалот има само еден гол и четири жолти картони, демонстрира многу нервоза и предизвикува лутина во тимот.

Челси го чека многу тежок меч од осминафинале на Лига на шампиони против Борусија Дортмунд која на првиот меч славеше со 1-0. Реваншот се игра вечерва на „Стемфорд Бриџ“ каде Жоао Феликс и другарите ќе се обидат да ја надоместат негативата од Германија. Притоа Португалецот имаше нешто да каже за некои паметковци.

Во неделата, на стадионот Бурса Тимса Арена, Бурсаспор пред повеќе од 40.000 гледачи го пречекал третопласираниот тим во трета лига, Амед СК. Пред, за време и после мечот гостите кои се претставници на курдската заедница од градот Дијарбакир, едвај спасиле глава. На крај Бурсаспор победил 2-1, а Амед има исто бодови со вториот на табела, на место кое диектно води во втора лига.

Изминатото коло во шпанска Ла Лига сите чувари на мрежи излегоа во темно црни дресови, во чест на 80-годишниот легендарен голман на Атлетик Билбао Хозе Анхел Ирибар. Тој во текот на цела кариера бранел на преку 600 натпревари и на сите од прв до последен бранел во црн дрес, без исклучок.

Дваесет и седум годишниот руски хокеар Андреј Кузменко од октомври лани игра во силната НХЛ лига откако потпиша договор со Ванкувер Канукс. Со добрите партии заслужил нов 2-годишен договор вреден 11 милиони евра или по 5,5 милиони годишно. За време на еден меч во НХЛ деца од публиката му стојат со пароли: „Куз, трампа банана за хокеарскиот стап“ и тој прифаќа.

Во најзанимливиот дуел на вечерта во НБА, Кливленд Кавалирс и Бостон Селтикс играа продолженија а на крај славеа Кавси 118:114. На самиот крај на регуларниот дел при резултат 109:109, буквално на 0,8 стотинки до крајот високиот центар на Бостон, Грант Вилијамс добива слободни фрлања за победа. И му се врти на Донован Мичел од Кливленд и му вика: „Ги давам и двете“.

Ливерпул го ишамара Јунајтед за сите пари, ама за време на прославата на еден од головите, Клоп му беше ифрит лут на навивач кој влета на терен. Во преносот не се виде глупоста која ја направи црепот. Некој од трибина најдобро го снимил тоа за да го долови. Робертсон се виткаше.

Од скромната понеделничка фудбалска програма го издојуваме снаодливиот Јан Карамо кој ги направи попара пред гол кој како му дојде, за победа на Торино против Болоња од 1:0.

Атлетико Мадрид го искали сиот бес од неефикасноста сезонава над Севиља. Тимот од главниот град на Шпанија со 6-1 ги демолираше гостите од Андалузија и го сочуваа третото место на табела зад Барселона и Реал Мадрид. Сезонава Атлетико немал ваков меч. По два гола дадоа Депај и Мората, а по еден Караско и Гризман.

Некогашниот репрезентативец на Југославија кој беше член на селекцијата која на Светското првенство 1990-та стигна до четвртфинале па испадна на пенали од Аргентина на Марадона, Предраг Спасиќ има тешка животна судбина.

Милвоки Бакс го совлада Вашингтон Визардс со 117:111 на гости и го задржа лидерското место на Истокот. До 46-ти триумф во сезоната ги носеше Јанис Адетокумбо со 23 поени, 13 асистенции и 10 скока за негов четврти трипл-дабл сезонава. Интересно, до овој учинок стигна во последна секуна кога намерно промаши шут сам под кош, со цел да ја фати одбиената топка и тоа да му се води како скок или фатена топка.

Чудната епизода со просечниот центарфор на Јувентус Моизе Кин кој само што стапна на терен на стадионот „Олимпико“ во дербито со Рома, после 40 секунди доби црвен картон затоа што му удри клоца на стоперот Џанлука Манчини, не е ни прва ни последна.

Рома го совлада Јувентус со 1:0 во големото дерби на италијанската Серија А и ја прекина серијата од 4 победи по ред на бјанконерите. Навивачите на Јувентус од самиот пораз повеќе ги изнервира реакцијата на нивниот резервен центарфор Моизе Кин кој влезе во игра во 89’ минута и за само 40 секунди доби директен црвен картон откако буквално му удри клоца Манчини.

Петти март 2023-та година ќе го паметат уште многу долго навивачите на Ливерпул, но и оние на Манчестер Јунајтед. Гостите од „Олд Трафорд“ го претпреа најтешкиот пораз во последните 92 години! Ливерпул ги прегази со 7:0 и оствари историски триумф. При прослава на еден од головите, прекрасната вечер на Енфилд Роуд можеше да ја расипе еден глупчо кој влета во терен и при судир со редарите закачил двајца играчи на Ливерпул кои се пожалија на повреди.

Брага игра одлична сезона во португалската Примеира, има 17 победи, 1 нерешена и 5 порази и со гол разлика 50:22 освои 52 поени после 23 кола. Интересно Брага е трета со само два бода зад Порто на местото кое води во Лига на шампиони и 10 бода зад лидерот Бенфика. Синоќа Брага со 2-0 го совлада Рио Аве а вториот гол на мечот, дело на Симон Банѕа во 79-та минута беше ЧУДЕСИЈА.

Фудбалерите на Ливерпул го истурија целиот бес од слабите резултати сезонава над најголемиот ривал и тоа со најубедлива победа во историјата на меѓусебните средби и еден од  највисоките триумфи во историјата на англискиот фудбал воопшто.

Ако на некој македонски напаѓач најдобро му лежи фудбалот во Кипар, тоа дефинитивно е Иван Тричковски кој од 2018-та до сега има шест хет-трикови во дресот АЕК Ларната. Последниот го запиша против Паралимни за победа од 3:1. Тричко следниот месец полни 36 години, кои воопшто не му се приметуваат.

Претседателот на КФМ се приклучи во хуманитарната акција за помош на погодените од земјотресот во Турција. Дресот со кој ја освои третата европската титула во 2017-та, вкупно трета во кариерата, го става на продажба, а парите ќе одат во донации.

Годината е 1992-ра, Мајкл тука има 29 години, Скоти 27. Играат во врвна форма и ја напаѓаат втората титула со Булси од вкупно шест. Не е доволно да се погледне клипов само еднаш.

Олимпик Марсеј - ПСЖ минатото коло заврши 0:3. Мбапе даде два гола и еден му асистираше на Меси. Лесно му беше после на Килијан кој знае да се мајтапи на терен.

Со фантастична најава, како во старите добри времиња во англискиот фудбал, БиБиСи спорт го пречека мечот од ФА Купот меѓу второпласираниот во втора лига Шефилд Јунајтед и четвртопласираниот во Премиер лига Тотенхем. На култниот стадион „Брамал Лејн“ во Шефилд, градот на железото и челикот.

Со него на терен, Барса освојува повеќе бодови, постигнува повеќе голови, има повеќе удари во рамки на гол, повеќе асистенции, шанси...Сè е подобро со него, а има само 20 години.

Во американската кошарка и општо американскиот спорт големо внимание се обрнува на статистики а уште поголемо на рекорди. Откако Леброн Џејмс направи историски подвиг, го урна апсолутниот рекорд на Карим Абдул-Џабар на вечната листа најдобри поентери во НБА, сега малку фалело тоа да се случи и во НЦАА универзитетската лига која е еднакво гледана како и НБА.