Севиља, клубот од Андалузија од 2006-та година па наваму дури шест пати го освои пехарот во Лига Европа. Предводени од тренерот Хозе Луис Мендилибар кој нема големо искуство на евро сцена, кој е само два ипол месеци на клупата на Андалузијците и ќе игра прво финале, ќе се обидат одново да покажат кој е „тата-мата“ во овој турнир.
Во таа намера ќе се обиде да ги спречи Жозе Мурињо, искусниот лисец кој нема загубено ниту едно европско финале со Порто, Интер, Манчестер Јунајтед, Рома...
Сезонава и двата тима играа мошне променливо, особено на домашна сцена каде не се во Топ4 и не обезбедија место во Лига на шампиони за следната сезона. Барем не до вечерва.
Севиља во Лига Европа сезона постигна 13 гола (Ен Несири 4 а Ламела 2), а прими 7. Што се однесува до односот на теренот, во ЛЕ Андалузијците сезонава добија 25 жолти картони и ниту еден црвен.
Најдобри стрелци во нивната историја во Лига Европа се Кануте и Гамеиро со по 18 голови а Колумбиецот Карлос Бака постигнал 14.
На патот до големото финале Севиља го урна и Јувентус во полуфиналето и тоа во неизвесен реванш со гол во продолженијата.
Што се однесува до „римската волчица“, тие сезонава во Лига Европа постигнаа 20 гола а примија само 2 што значи дека на евросцена одбраната им е многу позатегната. Најдобри стрелци во ЛЕ им се Пелегрини и Дибала со по 4 гола, а Белоти постигна 3. Аргентинецот е под знак прашање поради повреда па можно е да влезе од клупа во текот на натпреварот.
Фудбалерите на Рома добиле 32 жолти картони сезонава во Лига Европа и ниту еден црвен картон.
Најголема предност на Рома, како што изјави и легендарниот спортски директор Мончи кој е голем архитект на успесите на Севиља а едно време и самиот беше директор во Рома, е Жозе Мурињо.
Португалскиот стратег има два трофеи во Лига на шампиони, со Порто (3-0 против Монако во 2003/2004) и со Интер (2-0 против Баерн Минхен во 2009/2019), има два пехари од Лига Европа, со Порто (3-2 против Селтик 2002/2003) и со Ман. Јунајтед (2-0 против Ајакс 2016/2017) и еден од Лига Конференции со Рома (1-0 против Феенорд 2021/2022).
Жозе може да се пофали и со пехари од Суперкуп на Европа. Со Порто (1-0 против Милан 2003-та) и со Челси (5-4 на пенали против Баерн Минхен во 2017-та) .
