Со 34 поени, 9 скока и 8 асистенции, Никола одново ги носеше Нагетс до нов триумф, овојпат 117-111 против Детроит Пистонс. На центарот кој во моментов е прв кандидат за МВП титулата во регуларниот дел, му требаше малку за нов трипл-дабл, но благодарение на неговите погодени слободни фрлања на крајот се реши победникот.

„Сакам да гледам насмеани луѓе околу мене и без разлика дали сум добил 5 или 50.000 евра, јас сета добивка ја делам со луѓето околу мене. Имам огромно срце и сакам да го живеам животот со полни гради“.

Во дербито на вечерта во НБА, Голден Стејт (34-13) ја совлада Јута (30-17) со 94:92. Најјак момент на мечот беше потегот со кој Џордан Пул од Вориорс го измести Џордан Кларксон.

Убедливо најслабиот тим во цела НБА лига сезонава, Орландо Меџик (учинок 9-39), направи изненадување и со 114-95 го совлада Чикаго Булс за само деветти триумф на 48 меча. Прв стрелец беше Мориц Вагнер со 23 поени, а Џален Сагс освен што постигна 15 поени со 5 скока и 7 асистенции, имаше и страшно забивање преку Демар Дерозан.

Верувале или не, Галатасарај е на две места од зоната за испаѓање од турската Суперлига со 27 бода. Имаат четири порази по ред, го отпуштија тренерот Фатих Терим, а како капак на сè им дојде поразот после пресврт во самиот финиш од големиот ривал и главен кандидат за титулата Трабзонспор кој е лидер на табела со 54 бода.

Синоќа во Милано беше фудбалски празник. Ги гледаш снимките и не ти е јасно дали клупскиот автобус оди на стадион за утакмица или се враќа после освоена Лига на шампиони.

Во најголемото дерби во Холандија, лидерот ПСВ Ајндховен го пречека вечниот ривал Ајакс. Гостите од Амстердам славеа 1-2 во меч полн со контроверзи, тензија но и добра глума. Аргентинецот Лисандро Мартинез во еден момент од мечот додека неговиот тим водеше, се вртеше по теренот демек повреден ама брзо се сети дека ако е надвор од теренот нема да може да краде време поради прекин.

За време на мечот меѓу Украина и Србија во рамки од Европското првенство во футсал, Украинецот Ихор Корсун промаши нешто што физички е тешко изводливо да се утне.

И покрај отсуствата на Мане и Салах кои се ангажирани во Африканскиот Куп на нации, Ливерпул повторно победи со 3 постигнати гола, овој пат на гостувањето против Кристал Палас. Почекајте ме тука момци да ја залиеме победата. 

Во Купот на Африкански нации стартуваа осминафинални натпревари. Прва средба беше дуелот меѓу Буркина Фасо и Габон која по изведувањето пенали заврши 7:6. Погледнете ја оваа радост после 18 изведени пенали и пласман во топ 8. Голман е ова или гимнастичар?

Со головите на Тијаго Силва и Хаким Зијеш, Челси го доби градското дерби против Тотенхем. Голчиштето на Мароканецот го разубави мечот. Убавина од потег.

И покрај тоа што не постигна гол во убедливиот триумф на Наполи од 4-1 против Салернитана, Елиф Елмас одигра цел натпревар и беше меѓу најдобрите поединци кај домаќинот. Му асистираше на стоперот Хуан Жезус за првиот гол на мечот, а пред крајот на првиот дел издрибла пола противничка одбрана и изнуди пенал кој го реализираше Мертенс.

Марио Балотели сезонава 2021/2022 ја игра во Турција. Минатото лето од италијанска Монца потпиша со новиот турски прволигаш Адана Демирспор и игра во одлична форма: 9 гола и 5 асистенции на 21 меч. Го свртел вниманието и на Манчини.

После сите проблеми кои ги имаат со коронавирусот и не можеа да најдат кој да брани против Црна Гора, Холанѓаните успеаа да стигна до голема победа. Сторијата за голманот им е уникатна. Од работа го станаа.

Паралелно со Европското во ракомет, во Холандија се одржува ЕП во футсал. А таму сите го величат Матеј Хорват кој на средбата Хрватска - Полска, конечни 3:1 ја понижи одбраната со се голман, па уште и со рабона ја заврши. Мајсториште.

Силното суеверие и натаму е многу присутно во Африка, па така ниту најголемиот спортски настан на овој континент, Африканскиот Куп на нации не е имун по ова прашање.

Во денешната програма во Премиер лига три меча почнаа во 16 часот, но еден, оној меѓу Брентфорд и Волвс беше прекинат половина час по стартот, поради тоа што над стадионот леташе дрон. Главниот судија на мечот предвреме ги повлече играчите во соблекувална.

Познатиот комичар од Црна Гора, Дејан Радуловиќ го начека Ноле во ресторан во Тиват. Му раскажува кратка гачка и се дробат од смеење.

На денешен ден пред една деценија, контроверзниот Италијанец Паоло Ди Канио познат по избувливиот карактер и како играч и како тренер, го доби третиот црвен картон во една иста сезона како тренер на Свиндон. На судиите им сметало како се однесува во неговиот простор, па тој збесна и рече дека ќе прави што сака и дека на крај ќе ја освои промоцијата во повисок ранг. И стварно успеа.

И покрај тоа што играше без своите најдобри играчи, Индијана Пејсерс го направи изненадувањето на колото во НБА откако славеше против Голден Стејт Вориорс 121-117. Момент на мечот беше кога Гери Пејтон II заби преку високиот Гога Битадзе па иронично го гледаше што предизвика реакција кај ривалот кој доби техничка грешка.

Клаудио Лотито држи два клуба, Лацио и Салернитана, која инаку за 10 години од четврта ја избутка до прва лига, а потоа направи финта, како да не фигурира како газда на вторите. Во 2020-та „купи“ или поточно речено “прати“ еден анонимус од среден ред со сомнителни квалитети, од Лацио во Салернитана.

Тоа што кај нас е роденденска честитка, Ана од Бразил сериозно си го сфати. Издржа јуначки еден век и нешто ситно и се одјави. На колку? Па на 101 година. И тоа до последно одеше на стадион. Царица.

Важеа за аутсајдери, а стигнаа до втората групна фаза и моментално се со фантастичен скор од три победи и еден пораз од Данска. Големата победа над фаворитот Хрватска се славеше во снежна идила со знамиња, песни, колони од возила, свирежи, бакљи...Во транс се Црногорците.