Шампионот на Шпанија игра променлива сезона. Испаднаа од Кралскиот Куп од Атлетик Билбао, во Ла Лига заостануваат 8 бода зад Жирона и 7 зад Реал Мадрид но имаат меч помалку од Жиронците. Каталонците сезонава за првпат во клупската историја примале гол веднаш по судиската свирка за почеток.

Да, така реномираниот Еуроспорт го опиша ова 1 минутно уживање од третото коло меѓу Новак Ѓоковиќ и Томаш Мартин Ечевери, „Tennis from another planet“. Сигурно еден од најјаките поени од сите досегашни натпревари. Инаку полуфиналето меѓу Ѓоковиќ и Синер е изутрина во 4:30 часот по наше или 14:30 по австралиско време. Медведев и Ѕверев играат од 9:30.

Лионел ужива во Мајами. Ем што има бројна аргентинска дијаспора, ем што во екипата покрај Алба и Бускетц му дојде и најдобриот другар Луис Суарез. Секогаш е расположен за муабет со навивачите па макар и од возачко седиште.

Јануари месец излезе преполн со спортски настани. Од ЕП во ракомет, Австралија опен, Куп и Супер Куп битки колку сакаш, па сè до Африкански Куп на нации каде се случуваат сензации.

На заостанатиот меч од Бундеслигата меѓу Баерн Минхен и Унион Берлин кој баварците го добија минимално 1-0 со голот на Рафаел Гуереиро во 46’ минута, гостинскиот тренер Хрватот Ненад Бјелица доби црвен картон во 74-та минута откако го удри фудбалерот на Баерн Лирој Сане.

Бенфика треба многу да жали што е елиминирана во полуфиналето од португалскиот Куп од Есторил на пенали, посебно Анхел Ди Марија. 35 годишниот Аргентинец за влакно не постигна голчиште и пол и тоа при резултат 1:1 во истекот на последната 96-та минута, кое ќе беше сигурно во топ 3 во неговата кариера.

По елиминацијата на Реал во осминафинале и Барселона ја завршува сезоната во Копа дел Реј. Каталонците загубија 4:2 во продолженијата од Атлетик Билбао, а во регуларниот дел при резултат 2:2, 16 годишниот Ламин Јамал имаше две чисти шанси за да го однесе својот тим во полуфинале. Во вториот обид празен гол промаши.

Голден Стејт Вориорс се вратија на паркетот после смртта на нивниот помошен тренер Дејан Милојевиќ а пред мечот со Атланта Хокс му оддадоа почит на српскиот тренер.

Абердин е дефинитивно зависен од македонскиот центарфор, кој безмилосно ги тресе противниците во Шкотска речиси на секој меч.

Селекцијата на Австрија е дефинитивно најголемо изненадување на Европско ракометно првенство, па дури има сè уште шанси за пласман во полуфинале. За да се случи тоа треба денеска да го совладаат Исланд, а Германија да загуби од Хрватска. Погледнете ја сценава од мечот против Французите. На пикерот Тобијас Вагнер му се сипаа Дилан Наи, Никола Карабатиќ, Лудовик Фабрегас и Карл Конан.

На Купот на африкански нации во Брег на Слонова Коска полека привршува групната фаза а таму навивачите видоа сè и сешто, од драми и голови во длабоко судиско продолжение до неверојатни пресврти. Социјалните мрежи дискутираат и за тоа како на врата се прегледуваат жените. Од жена очигледно, не како што на прв поглед се мисли.

На ЕП 2012 шампион стана Данска, втора заврши Србија, трета Хрватска, четврта Шпанија, петта Македонија. Како добро звучи тоа а? Хрватите загубија во втората групна фаза од Шпанија, на која потоа и се реваншираа во мечот за трето место, но легендарниот Ивано Балиќ до толку им беше бесен на судиите, што се појави пред камера со следнава изјава:

Се сеќавате ли на Тјери Готије Мвумби од Светското во Египет кој го доби прекарот „ракометниот Шек“? Епа уште се рова на терен и изгледа се здебелил.

Лос Анџелес Клиперс уште еднаш го совладаа градскиот ривал ЛА Лејкерс, овојпат 127:116 во меч кој го пропушти Леброн Џејмс поради болки во левиот скочен зглоб. Натпреварот го одбележа Расел Вестбрук.

Некогашниот англиски репрезентативец, 38-годишниот Џејмс Милнер уште игра на највисоко ниво, во Премиер лига, за одличниот Брајтон. На мечот во понеделникот вечер против Вулверхемптон, Милнер се искачи на високото второ место на вечната листа во Премиер лига.

Сенегал ја победи Гвинеја со 2-0 и убедливо со три победи и 9 бода оди во осминафинале на Купот на Африкански нации. Капитенот и лидер на репрезентацијата Садио Мане промаши нешто што скоро никогаш не го промашува.

Повеќекратниот шампион Голден Стејт Вориорс се спрема психички и физички за првиот натпревар после речиси повеќе од една недела пауза поради смртта на нивниот помошен тренер Дејан Милојевиќ. Пропуштија два натпревари а тренирале само од понеделникот. Никому не му е до баскет.

Денвер Нагетс ја совлада Индијана на гости со 114:109, а нова фантастична партија пружи двократниот МВП освојувач Никола Јокиќ.

Француската мега ѕвезда, која на само 19 години стана светски првак, им направи проблем на сите новинари кои ќе сакаат да бидат прецизни во теркот, „Се пишува, како што се изговара во родната земја“.

Ал Наср отпатува на турнеја во Кина каде требаше да одигра неколку пријателски натпревари, ама ја одложи поради повреда на Кристијано Роналдо. Кога разбраа неговите фанови, упаднаа во хотелот каде престојуваше нивниот идол, а тој им се извини на прес.

И покрај тоа што клупската кариера ја мина во Каљари, Џиџи Рива важеше за големо и многу почитувано фудбалско име, како и еден од најдобрите италијански напаѓачи во историјата. Не за џабе цели 23 години не беше чепнат од позицијата тим менаџер на Италија.

Не стивнуваат реакциите од хаотичното судење на мечот меѓу Реал и Алмерија кој домаќините го добија 3:2 после негатива од 0:2. Се појави нов клип кој предизвика многу коментари и на кој се гледа како Винисиус игра валкано со лакт. Од ВАР сигнализирале прекршок, но откако главниот судија побарал да провери, судиите во ВАР собата замолкнале.

Еден од најголемите НБА великани, Стив Кер кој како играч има 5 шампионски титули а како тренер 4, изјавил дека цела екипа на Голден Стејт го следела последниот поздрав на навивачите, играчите и управата на Партизан во Белград на мечот со Мега.

Ник Кирјос не настапува на Австралија опен поради повреда и ангажиран е во Еуроспорт како стручен коментатор. По денешното прво четвртфинале, имаше кусо интервју со Ѓоковиќ на кое падна јак муабет кој оди вака: