Џо Маѕула е крајно интересен лик. Има само 35 години а веќе прави големи успеси со Бостон Селтикс. На клупата на овој гигант седна во февруари 2023-та и во текот на целата сезона беше прв на табела во регуларен дел. Стигна до големото финале а таму води 2-0 со Далас и е на чекор од шампионска титула.

Холандија синоќа тестираше против Исланд кој го доби убедливо со 4:0. Бекот на Баер Леверкузен, Џереми Фримпонг, воодушеви со оваа интелигентна убавица од додавање.

Привршуваат тест средбите пред Европското во Германија. Полска играше пријателска против Турција која ја доби со 2:1. Режисерот на мечот во еден момент направи магија откако го даде во кадар селекторот Михал Пробиерц, а на Павел Давидович веќе му ја одредивме дисциплината во која треба да се такмичи.

Капитенот на Радовиш, Здравко Постолов е јунак кој со голчиште од слободен удар го совлада Еурофарм Пелистер 2 и го врати својот тим во ракометната Супер лига. Прославата почна во салата Автокоманда, а потоа продолжи во Радовиш.

Зицер до зицер и тоа од првокласни врвни центарфори. Промашувања какви што се незамисливи ниту на видео игрица.

Ендрик од Палмеирас кој е роден 2006-та и кој следниот месец ќе му се приклучи на Реал Мадрид е прв Бразилец после Пеле со 3 гола на првите 5 настапи постигнати под 18 години. Голот за конечни Мексико - Бразил 2:3 го прослави во стилот на Меси, а му асистираше Винисиус.

На мечот меѓу женските тимови на Хакен и Кристијанштад од Шведска кои се на второ и трето место на табела гледачите можеле да видат 4 гола (2:2), но и шанса пред празен гол каква што не се пружа секој ден.

„Новинарот кој ми го правеше интервјуто ми вети дека ќе го исече тој дел. Ми се јави после седум дена и можете да замислите што сè му реков на него“. Миха? Најхуман човек од наша генерација. Парите ги гледаше само како хартија. Срце ме боли за него.

Од 14-ти јуни до 14-ти јули во една од најфудбалските земји на светот, Германија, ќе се игра Европско првенство 2024. Одиме по ред со запознавање со најдобрите селекции на континентот кои обезбедија пласман. Почнувајќи од денес, во следните денови ќе се сретнеме со секоја група на Евро 2024.

Наш фудбалски судија кој суди втора лига мажи и прва жени, скоро ни раскажа како бил сведок на инцидент кој скроз не го очекувал додека бил на должност. Се лупале наши фудбалерки со боксови. Во пар денови после тој муабет налетуваме на два такви настани во други земји. Се разбира дека одма го прашавме за видео. Да имаше, до сега веќе ќе го објавевме.

Македонската фудбалска репрезентација вечерва од 18:00 часот ќе игра против Чешка пријателски натпревар кој за Чесите ќе биде генерална проба пред големото Евро 2024 кое се игра од 14-ти јуни до 14-ти јули во Германија. Но Чесите ќе играат без одличниот Михал Садилек.

Се случува вакво нешто обично пред крај на термин, кога се изморени и едните и другите.

Нешто налик ринге-ринге-раја, со тоа што голманот не знае од кај ќе му дојде топката и кој ќе му шутира. Зезнато ај ти.

Фил има 23 години, Џуд 20, а нивниот селектор 53. Кој би рекол? Па како да тренираат тројца репрезентативци на Англија. Плус шланг е човекот.

Во баражот за опстанок, односно пласман во ракометната Супер лига се случи драма во стилот на Шведска - Франција на последното ЕП. На мечот меѓу Радовиш - Еуфорам Пелистер 2 при резултат 26:26 остана уште слободен удар по кој сите очекуваа да има пенали. Но Здравко Постолов не мислеше така и ја крена цела сала на нозе.

Деветте блокади на првиот натпревар во финалната серија не беа случајност. Бостон Селтик игра сериозна одбрана сезонава која ја демонстрираше и во втората пресметка против Далас. Имаме нова компилација, но најпрвин обрнете внимание на каков начин Дерик Вајт ги спречи гостите да се доближат на -3 на 50 секунди до крај.

Бостон Селтик повторно покажаа дека се подготвени да стигнат до рекордната 18-та НБА титула и тоа го демонстрираа после феноменална партија на Лука Дончиќ. Ги чека тест во Тексас.

Младиот шпански тенисер Карлос Алкараз триумфираше во големото финале на Ролан Гарос откако после голем пресврт го совлада Александар Зверев со 3:2 во сетови.

Спиете ли мирно Џиџи Буфон, Франческо Толдо, Џанлука Паљука, Оливер Кан, Мануел Ноер и Столе Димитриевски?

„Да не ти треба играч?“ му се понуди Златан на Стојковиќ после пријателската која Србија ја доби на гости против Шведска со 0:3. Му посака среќа на Европското и му порача дека важно е да има дисциплина во тимот, а овој се сложи со него и рече дека е добро што нема повредени. Инаку шведската легенда додаде дека ако го ставеле, ќе можел да одигра 20 минути.

Една година откако и стави крај на играчката кариера во Милан, Ибракадабра и официјално беше испратен и во репрезентативна пензија со шоу организирано во својата земја.

Во самиот финиш на трката во брзо одење на 20 километри на Европско првенство во Рим, Шпанката Лаура Гарсија-Каро самоуверено пред самиот крај крена раце во вис и со шпанско знаме во рацете почна да слави бронза. Ама во последен момент Украинката Људмила Ољановска ја претрка и и го зеде медалот од рака.

Фенербахче многу добро знае каков шоумен донесе. Тренер со кој е доста забавно и надвор од тие 90 минути фудбал. Клубот веќе почна да снима штосни видеа со него.