Хрватската јавност со децении бара „Максимир“ да се урне и да се изгради нов, модерен и убав стадион кој би бил во согласност со резултатите на хрватската репрезентација и Динамо Загреб.
Стадионот во Загреб веќе со години е руиниран, изгледа на право ругло и навивачите на Динамо имаат желба да видат нов стадион. А гостите кои доаѓаат се запрепастени од изгледот на „Максимир“.
Синоќа навивачите на Борусија Дортмунд и претставници на клубот и медиумите од Германија се стаписале од состојбата на стадионот и од односот на полицијата и редарите кон нив.
Најпознатиот германски спортски лист Билд оди со наслов: „Искупување на Борусија во шупата“ со алузија на состојбата на стадионот „Максимир“.
Искупување затоа што ова е прва победа на актуелниот европски шампион во Лига на шампиони на гости после дури шест порази.
За стадионот новинарите на Билд велат:
„Источната трибина е целосно празна (затворена) затоа што уште од сериозниот земјотрес во 2020-та се заканува нејзино уривање и не е сигурна за навивачи. Исто така по целиот стадион и неговата внатрешност има пукнатини. Ова е права руина!“
Познатиот германски спортски новинар Патрик Бергер на Х напишал: „Не само во Србија, туку и во Хрватска германските навивачи очигледно понекогаш се изложени на непристојни и остри контроли. Навивачите на Борусија Дортмунд мораа делумно да се соблечат во посебни шатори на стадионот во Загреб а наводно вршени се проверки и на нивните интимни делови од телото“.
🚨 Nicht nur in Serbien, auch in Kroatien wurden deutsche FußballaFans heute offenbar teils unwürdig und harsch kontrolliert. Die #BVB-Anhänger mussten sich in Zagreb am Stadion in separaten Zelten teils ausziehen, es soll auch Kontrollen im Intimbereich gegeben haben. ⚫️🟡 🇭🇷…
— Patrick Berger (@berger_pj) November 27, 2024
Рутинските контроли на стадионите ширум Европа се стандардна појава, ништо ново, а познатиот облик на хулиганизам во регионов придонесува во Загреб и Белград да има поостри и порутински полициски контроли.
