Лука Дончиќ и Никола Јокиќ се освежување кое направи револуција во НБА лигата. Ама дечките не се цареви само на терен, туку се оригинални и надвор од паркетот. Добро, кој друг цар до сега ја сместил „Мики Милане“ од Вера Матовиќ во реклама за патиките на Мајкл Џордан, бренд на кој словенечкиот ас е заштитно лице.

Раштиманата Србија за која српските медиуми најново пишуваат дека ја напуштил капитенот Тадиќ, ќе се усреќи за едно месец и половина. На 5 септември во Белград и гостува Шпанија во рамките на новата сезона од Лига на нации. Да го повториме вториот дел од насловот.

Никола Јокиќ оствари дабл дабл учинок од 14 поени, 14 скока и 3 асистенции на подготвителниот меч на Србија против Австралија за Олимписките игри, која го загуби 84:73. И баш за него немаше дрес, па економот со спринт се упати во соблекувална.

УЕФА ја состави листата на топ 10 голови на Европското првенство. На првата позиција е ремек делото на тинејџерот на Шпанија, кој блесна во полуфиналето против Франција.

Министерството за внатрешни работи на Германија соопштило дека за време на Европското првенство летово имале помалку работа отколку што се очекувало.

Пет одиграни натпревари, ниту еден пораз за избраниците на Раде Стојановиќ кои на ЕП за играчи до 20 години ја совладаа Романија со 31:26. Нашиот национален тим влезе во втората фаза на првенството во Словенија, каде разигрува за пласман од 9-та до 16-та позиција, откако немаше среќа да се пласира во топ 8. Уживајте во прекрасниот погодок.

Тинејџерот Јамал беше сензација на ЕП 2024, но Шпанија има многу јунаци за кои не се крева до толку голема врева. Еден од нив е човекот кој беше прогласен за МВП на првенството.

Денес од 12:00 часот со свечена церемонија се одржа претставувањето на Килијан Мбапе, новата 9-ка во Реал Мадрид. Прво се сликал со првиот човек на клубот, дон Флорентино Перез, а потоа излегол пред преполн „Сантијаго Бернабеу“. Реал во моментов има можеби најјак состав во клупската историја.

Селекторот кој помина дури 8 години на клупата на Англија, денес се повлекол од својата функција, во договор со Фудбалската федерација на Англија (ФА).

Скоро и да немало помалерозна генерација од оваа на Англија која во само 3 години стигна до второ големо финале на Европско првенство и два пати изгуби. Првиот пат на домашен терен пред преполн „Вембли“ кога дури и имаа рано водство па изгубија на пенали од Италија. А сега од Шпанија 2-1 иако имаа активен резултат на десетина минути пред крајот на основното време. Фор Фор Ту прави анализа зошто изгубија.

Фотографот Хоан Монфорт во 2007-ма година направил фотографија која никој не очекувал дека 17 години подоцна ќе стане прав феномен. 20-годишната ѕвезда на светскиот фудбал Лионел Меси во раце го држи малото бебе Ламин Јамал - сегашна ѕвезда на светскиот фудбал.

Бекот на Челси му врати на Невил за критиките дека Шпанија не можела да оди до крај поради него. А врвот беше следнава урнебес комедија: „Кукуреља јаде паеља, Кукуреља пие Естреља, Халанд се тресе бидејќи доаѓа Кукуреља“. И тоа го испука во два наврати.

Во лавината вести за ЕП, Копа Америка и Вимблдон кои кулминираа во еден ден со финалиња, се случи фудбалска историја која не се гледа често. Лео Меси го мина Дани Алвеш и стана рекордер по број на освоени трофеи.

Освен Јамал, свое шоу за време на прославата на европската титула во Мадрид имаше и Родри. Но неговата беше специфична, бидејќи почна да скандира „Гибралтар е Шпанија“ со што ја запали масата. Се работи за полуостров на југот на Шпанија, кој му припаѓа на Велика Британија и кој важи за спорен. Инаку да потсетиме Родри игра токму во Англија за Манчестер Сити.

Ламин Јамал имаше летен распуст како ниту едно друго дете на планетава. На 16 години стана европски првак со својата земја, даде гол и стана еден од петмината во историјата со 4 асистенции на едно ЕП. Во меѓувреме, на 13 јули наполни 17 години. Поигра малку за време на славјето, а Мората побарал од публиката да му ја честитаат матурата.

„Шампиони на Европа. Ова е само почеток“, гласи пораката на отворениот автобус со кој парадираше четирикратниот европски првак.

Веројатно секој би можел да го каже своето лично доживување од сите тие натпревари. Оттука и толку многу љубов, ентузијазам и голема благодарност. Тие не го гледаа само Ѓоковиќ, туку и самите себе. Во своите подеми и падови, задоволства и маки.

Дваесет и седум годишниот Микел Ојарзабал кој игра центарфор во Реал Сосиедад и таму е цели 9 години уште од 2015-та година, е дискретниот херој на Шпанците кој влезе од клупа и даде златен победнички гол вреден европска титула.

Да не има некој контраш кој смета дека Шпанците не ја заслужиле титулата? Дека само што налетавме на податокот дека станале најефикасна селекција во историјата на ЕП со 15 погодоци. За споредба Англија постигна 8 гола, а Франција 4 од кои два автогола и еден пенал. Инаку станаа и рекордери со 4 трофеи, а Јамал е прв Шпанец со 4 асистенции на едно ЕП и еден од петмината во историјата. На листата има поранешен селектор на Македонија.

Тешко е да се освои Европско првенство. Прашајте ги Англичаните кои со најскапите ѕвезди загубија две финалиња по ред и како славна фудбалска земја никогаш го немаат освоено. На овој турнир еден играч по втор пат се израдува на овој трофеј и влезе во доста елитно друштво.

Еден од најдобрите светски велосипедисти, Словенецот Тадеј Погачар ја освои 15-та етапа на славниот Тур д’Франс, со дури 1,08 секунди предност во однос на најголемиот ривал Данецот Јонас Вингегор.

Ако на некој уште не му е јасно која е Шпанија во фудбал на клупско и репрезентативно ниво и во машка и во женска конкуренција, нека ја погледне табелава да се почуди малце. Се работи за скор во финалиња од 46:12 и тоа е статистика од 2000-та до денес. Систем е тоа, не е заебанција, а на него се работи темелно и се усовршува.

Точно еден месец фудбал се играше на Европското во Германија. Турнирот ќе се памети по неколку нешта. На крајот титулата ја освои Шпанија, заслужено со најубав фудбал на целиот настан. БиБиСи направил убаво завршно видео за крај.

Прво светски шампион со Аргентина У-20, па освојувач на олимписки медал, а потоа 4 титули со А тимот: Копа Америка два пати, Светско првенство и Финалисима. На 36 години Анхел Ди Марија одигра 120 минути против Колумбија и ја доби наградата за играч на финалето. И што е најважно, тој е играч за големи натпревари и стрелец на три финалиња по ред, кој секогаш дава 110% од себе. Се повлекува од репрезентација со 145 меча и 31 гол.