Германските медиуми пишуваат дека Јирген Клоп потпишал договор со гигантот Ред Бул каде би требало да стане „глобален директор за фудбал“. Ова значи дека легендарниот и трофеен тренер кој со голем успех ги водеше Ливерпул и Борусија Дортмунд, наскоро ќе крева неколку клубови на највисоко ниво.

Американецот Франсис Тиафо загуби 2:1 од Русинот Роман Сафиулин во третото коло од Мастерсот во Шангај. Според начинот на кој му се обрати на судијата, изгледа имал доста замерки околу судењето. 

Во фудбалската лига на САД, МЛС лигата има уште едно коло до крајот на регуларниот дел. Интер Мајами на Меси, Суарез, Алба и Бускетц е на прва место во својата дивизија и ќе го чека ривалот во плејофот. На последното гостување во Торонто, Меси, Суарез и Бускетц влегле од клупата за резерви. А на терен влегло и едно дете кое трчало да се сликне со Лео. Ама се пуштил и неговиот главен обезбедувач, поранешниот маринец кој заработува сега околу 3,5 милиони долари годишно да го чува Меси.

Србија игра со Швајцарија дома и со Шпанија на гости во следните две кола од Лига на нации. Селекторот Драган Стојковиќ изненади со ново име во репрезентацијата. Го повика 17 годишниот Андрија Максимовиќ, кој одигра многу храбро во дресот на Црвена Ѕвезда на гостувањето против Интер во ЛШ.

Легендарниот шпански фудбалер и еден од клучните играчи на неверојатната генерација на Барселона која жареше и палеше ширум светот, реши да стави крај на фудбалот и заминува во пензија.

Немаме баш увид што се случува по салите во нашата футсал лига, ама од време на време знае да се појави по нешто на социјалните мрежи. Ви го претставуваме Зоран Тасески од КМФ Бутел 2022, кој на мечот против КМФ Клими го постигна голот на сезоната. Футсал убавина за сите пари. Зоран Тасески - Рикардињо.

Во Брегот на Слоновата коска паѓа голчиште од слободен удар. Секоја чест за голот, ама погледнете го вие што прави голманот од радост.

Француски Лил забележа историска победа откако со 1-0 го совлада големиот европски шампион Реал Мадрид. Триумфот го прославија илјадници навивачи на трибините а највесел беше спикерот кога го нафрлуваше името на стрелецот на голот Жонатан Давид од пенал на публиката.

За време на пријателски натпревар летово меѓу италијанскиот прволигаш Комо кој го предводи Сеск Фабрегас од клупата и англиски Вулверхемптон, италијанскиот фудбалер Марко Курто после еден дуел и вербална расправијана на негов соиграч со Кореецот Хванг, му рекол „да го игнорира Хванг зошто се замислува дека е Џеки Чен“.

Французите се собраа на повикот на Дешамп кој треба да ги спреми за гостувањето против Израел во четврток, во Лига на нации. Доаѓаа еден по еден. Што е со модава на Ибрахима Конате?

Интересна сцена фатија камерите на мечот меѓу Руне и Беретини на АТП турнирот во Шангај. Мајка му на Руне му сугерира на следниот сервис да се брани на форхенд, а Италијанецот му се сервираше на бекхенд. Само да му ја видите реакцијата. Инаку Руне победи 2-1 и се пласираше во трето коло.

Ова што го прави Лацио на стартот на секоја сезона е фасцинантно. Со крпеница од тим, со претседател кој повеќе мисли да фати попладневна дремка отколку да склопи добра екипа конкурентна за трофеи, Лацијалите отворија одлично. Имаат 13 бода после 7 меча во Серија А и се на четврто место. Во Лига Европа се први на табела од 21 клуб со две победи (0-3 и 4-1). Минатиов викенд го совладаа тврдиот Емполи после пресврт со гол на ветеранот Педро во 85-та минута. Цел „Олимпико“ на крај го грмеше италијанскиот мега хит „Педро, Педро, Педро“ од Рафаела Кара.

После 24 годишна величествена кариера во која освои 35 трофеи од кои 29 со Барселона, 3 со Висел Кобе и 3 со Шпанија, великанот на фудбалот Андрес Иниеста ја завршува играчката кариера на 40 години. Што е за тебе фудбалот? Одговорот на Иниеста е солзи. Во емотивното видео за него зборуваа Луис Енрике, Пеп Гвардиола, Луј ван Гал, Висенте Дел Боске.

„Што мислиш за тоа што на мечот Монца - Рома судијата е од Рим?“, гласеше прашањето за тренерот на Монца, Алесандро Неста? Можеби е лацијал и ќе навива за нас, одговори изненадно поранешниот капитен на Лацио и додаде дека сепак не верува во задни намери, туку во добрината на луѓето.

22 годишниот Кол Палмер е дефинитивно иднината на англискиот фудбал. Лани даде 25 гола, сега има 6 после 9 настапи. Погледнете му го триков еден на еден. Со еден допир, ја прими топката и даде фелш и го издрибла својот чувар. Огромна штета што не успеа да постигне гол. Ќе беше минимум гол на месецот.

Акцијата се однесува на тикетите на кои се типувани и погодени 13 натпревари, со минимален коефициент по натпревар од 1,4 и со минимална уплата од 20 денари.  

„Сигнал Идуна Парк“ или „Вестфален“, стадионот на Борусија Дортмунд летово не се прослави на Европското првенство затоа што на два меча при страшно обилни дождови од град кровот прокиснуваше на некои делови. Но теренот е чиста 5-ка!

Слога Лажани - Венец Долни Дисан (2:6), трета македонска лига, ни носи клип од оние што секогаш со душа ги чекаме. Со автентичен стадион за наши услови и слободен удар на мајстор Марјан Илов.

Во натпревар од третата норвешка лига, Мадла ИЛ на гости водела со 0-2 против Фрам. Домаќините во судиско продолжение прават невозможен пресврт. Хет-трик на Брајан Лисебо Јонахсен и тоа во: 92’, 94-та и 96-та минута. Му требале само 255 секунди за тоа.

Наполи со 3-1 го совлада Комо а резултатот го отвори Скот Мектоминеј, најголемото летно засилување за тимот на Антонио Конте и тоа со гол во 26-та секунда. После 7 кола во Италија, Наполи е прв со 16 бода. Наполитанците имаат 5 победи, 1 нерешена и 1 пораз.

Лука Дончиќ доживеал ситна мала повреда пред стартот на новата НБА сезона, но очигледно дека веќе се опоравил. Суперѕвездата на Далас Маверикс на отворениот тренинг на екипата, пред навивачите, направи нов луд потег. Се кладел со центарот Дерек Лајвли (на Твитер Лука му пишал на Дерек 100к што означува наводна кладба во 100.000 долари) дали ќе погоди од кош на кош.

„Кога стоевме еден до друг и го погледнав, беше како да сум во Матрикс“, изјави Леброн после мечот.

Во турскиот фудбал, на 24-годишна фудбалска судијка и 61-годишен надлежен судиски комесар Орхан Ердемир им се одземени лиценците поради кршење на правилникот. Оваа казна ја изрекол Дисциплинскиот совет на аматерскиот фудбал при Фудбалската федерација на Турција. Причина? Излегло видео на кое тие двајца имале однос.

Динамо Загреб го победи Вараждин 1:0 во 9. коло од хрватскиот шампионат, а по завршувањето на мечот Стефан Ристовски направи прекрасен гест. Детете кое минатата сезона на гостувањето во Вараждин втрча на терен, а тој им го зема на обезбедувањето од раце, овој пат го симна од трибина за да му подари дрес.