Таман влезе во одлична серија од 5 гола на последните три меча, Душан Влаховиќ се посрамоти викендов. Даде гол од пенал во 15 минута, но потоа шутна несфатливо лошо пред гол, непречен од никого. Каљари ги постави конечните 1:1 во 88-ма минута.

Голманите беа главни јунаци викендов. Во Италија на мечот Фиорентина - Милан се досудија 3 пенали и сите три ги одбранија голманите Де Хеа (2) и Мењан (1). Во Жирона пак се случи фудбалско чудо какво што не се памети мноооооооогу одамна. Аргентинскиот голман и соиграч на Бојан Миовски, Пауло Газанига на мечот со Билбао одбрани дури 3 пенали! Едниот што го одбранил бил поништен па повторно изведен, па го фатил и тој. Вкупно 3 за победа на крај од 2-1 и важни 3 бода за Жиронците.

Во 7. коло на италијанската Серија А, пред паузата за Лига Нации и репрезентации, Фиорентина и Милан се судрија во Фиренца и славеа виолетовите 2-1. Росонерите уште долго ќе жалат поради двата промашени пенали кои им ги одбрани легендарниот голман на Манчестер Јунајтед Давид Де Хеа.

Стоперот на Војводина и репрезентативец на Луксембург Сеид Корач, може да најде барем малку утеха, дека не е единствен во правење на аматерска маалска грешка во сениорски фудбал.

Брајтон и Тотенхем одиграа луд меч во Премиер лига. Гостите водеа 0-2 во 37-ма минута а Брајтон направи тотален пресврт и со три гола во вториот дел славеше 3:2. Но овој натпревар ќе се памти и по еден неумешен обид за глума на домашниот десен бек Жоел Фелтман со гостинскиот фудбалер Медисон.

Челси имаше убава прилика да ја продолжи фината победничка серија но одигра само 1-1 дома против Нотингем Форест и покажа дека уште не се екипа за големи дела. Кол Палмер најдобриот играч на Челси на крајот од мечот при голема гужва на теренот испаднал господин.

Рен загуби од Монако 1:2, а она што задолжително мора да го видите од овој меч е лудоријата од проектил на домаќините, дело на Лудовик Блас. Што шут ќе беше ова мајсторе?

Реал Мадрид го совлада Виљареал 2:0 и се израмни со Барселона по број на бодови, која денеска му гостува на Алавес. Валверде и Винисиус постигнаа прекрасни голови, а Бразилецот се истакна со јак дриблинг. На Дани Карвахал не му се посреќи мечот. Ги повреди лигаментите и ќе мора да оди на операција.

Во Вардар пак нешто не штима. Летоска дојде Новоматик како генерален спонзор, моќна интернационална компанија, сопственик на 2.000 казина која потпиша едногодишен договор на 1 милион евра спонзорство. Во управата јавно се зборува дека е Миленко Неделковски за што немаше прес конференција или некаква друга официјална промоција. Тимот има бедни 7 бода после 9 меча и е претпоследен, а Комитите се очигледно бесни по вчерашниот пораз на домашен терен од Струга Трим Лум од 1:4. Испратија кратка и јасна порака.

Новак Ѓоковиќ го совлада Американецот Алекс Микелсен на Мастерсот во Шангај со 7:6, 7:6, а во третото коло ќе игра против подобриот од дуелот меѓу Стен Вавринка и Флавио Коболи. Го имаме поенот со кој си собра аплаузите и овациите. Од зад грб му ја врати.

Вејн Руни има 38 години на кои тешко може да им се верува сè додека не го проверите на Википедија. Од мај годинава го води Плимут, како четврта негова тренерска работа. Ај сега скролнете најдоле да кажете дали сме го погодиле насловот?

Европската куќа на ракометот не штедеше зборови за чудесните вртелешки на еден од најопасните ракометари во светот во овој момент, како и двократен светски и олимписки првак со Данска. Потезиве му се нестварни.

НБА уште го ликува Дикембе Мутомбо кој почина на 30 септември на 58 годишна возраст. Она во што беше најдобар легендарниот центар од Конго, висок 218 см, го спакува во компилација, која е ултра тешко да се направи со оглед на тоа што човекот поедели 3.289 банани. Ќе видите како ги лепи Грент Хил, Шон Кемп, Патрик Јуинг, Коби Брајант, па дури и Мајкл Џордан. Ваквите клипови се задолжителна кошаркарска литература.

Најголемото кошаркарско шоу стартува со претсезонска увертира меѓу Денвер и Бостон, кои викендов во Абу Даби ќе одиграат две средби. Ќе потсетиме кои 10 потези беа избрани во најтесен круг за прошлата сезона. Ги има Дончиќ и Јокиќ, како и Ентони Едвардс со луда банана и уште полудо забивање. Стартот на новата сезона е на 22-ри октомври.

Кардиологот и хималајист д-р. Сашко Кедев денес имал уште едно историско искачување откако со група шерпаси и други качувачи од разни делови на светот го освоил врвот Шишапангма, висок 8.027 метри кој се наоѓа во Кина.

За Давид Алаба знаеме дека е капитен на Австрија против која Македонија се соочи на ЕП 2020 и дека може да игра и одбрана и среден ред. Уствари ништо не знаеме.

Последните два НБА шампиони Денвер и Бостон, ќе одиграат два претсезонски натпревари во Абу Даби, како увертира пред стартот на новата сезона. Очите и камерите, се вперени се разбира во Никола Јокиќ, кој скромен како и секогаш вели дека не е ниту близу до нивото на неговиот сонародник.

Под наслов дигитална археологија, извесен Мајлс од Англија, страствен љубител на камерата, сликал раги меч со панорамска филмска камера произведена во 1830-те години!

Во 1. коло од Лига на Конференции, Легија Варшава направи изненадување и со 1:0 го совлада шпански Бетис. Навивачите на полскиот клуб, кои важат за едни од најжестоките во Европа, и овојпат направија необична кореографија. Ривалот Бетис беше од Андалузија, регион каде е започната фамозната корида, трка и борба со бикови.

Откачено типче е Рудигер. Познат стана оној негов чуден начин на играње фластер кога му досаѓа на противникот со глава. Сега му одржа лекција на Ендрик, како треба да лежи за да не направи пенал. Малиов малку инает му тераше на почеток. 

Во 2. коло од Лига Конференции, дебитантот во еврокупови Серкл Бриж од Белгија со 6-2 го растури швајцарски Сент Гален. Еден од головите беше интересен, падна после индиректен удар во шеснаесетник.

Милано загуби на гости кај Монако 93-80 во 1. коло од новата сезона во елитната Евролига, а лидерот на македонската репрезентација Ненад Димитријевиќ за 24 минути на паркетот постигна 11 поени со 6 скока и 5 асистенции што беше еден од најдобрите учиноци во неговиот тим.

Фенербахче одигра 1:1 на гостувањето против Твенте откако Тадиќ фино го измами голманот на домаќините. Но аплаузите за израмнувањето ги заслужува најмногу Мароканецот Софиан Амрабат, кој му испорача топка во стилот на Андрес Иниеста. Асистенцииште за медал, преку цел тим.

Манчестер Јунајтед повторно и повторно има лош сезонски старт. Во Премиер лига имаат освоено 7 од можни 18 бода, а во Лига Европа одиграа 1:1 против Твенте дома и синоќа 3:3 на гости против Порто. И тоа до 20-та минута имаа водство од 0:2, а Хари Мегваер ги извади во 91-ва минута за да стигнат повторно до бод.