Во пресрет на долго најавуваниот боксерски дуел Антони Џошуа најавуваше дека „ќе му ја земе душата“ на некогашниот јутјубер, а синоќа со неколку нокаути го патосираше Џејк Пол и покажа дека не залудно многумина коментираат дека како професионален боксер е далеку поспремен од некогашната интернет ѕвезда.
Anthony Joshua knocks out Jake Paul in the 6th #JakeJoshua pic.twitter.com/RZPGtBh38w
— MVP - Most Valuable Promotions (@MostVpromotions) December 20, 2025
Џејк Пол наводно заработил скршеница на вилицата, веднаш после мечот е префрлен во болница а после борбата изјавил дека некое време ќе паузира од боксот.
Самите боксери после борбата се пожалиле на лошото судење и на невообичаено поголемиот ринг па наместо во простор од 4,9 метри боксуваа во простор од 7,3 метри.
Во таква околност Пол постојано во првите четири рунди бегаше од ривалот кој се изморуваше во обидите да стигне до него.
Судијата поради тоа ги предупредил:
„Слушнете, навивачите не платија за да гледаат вакво стање. Ако сте дошле да се борите, борете се“, рекол Кристофер Јонг.
“THE FANS DIDN’T PAY TO SEE THIS CRAP.”
— Netflix Sports (@netflixsports) December 20, 2025
THE REF TO JAKE PAUL AND ANTHONY JOSHUA 😨
LIVE NOW ONLY ON NETFLIX! #JakeJoshua pic.twitter.com/T56lwxTuEh
Од тој момент во петтата рунда Џошуа два пати го нокдаунираше Пол а пресудниот нокаут се случи во шеста рунда.
Од друга страна Антони Џошуа искористи шанса после победата јавно да го прозива неговиот сонародник и ривал Тајсон Фјури со кого се пецкаат со зајадливи изјави веќе неколку дена.
Наводно нивниот дуел е планиран за следната година.
