Нови деца, нови генерации се редат во НБА лигата кои допрва се очекува да царуваат под кошевите. Внимавајте на центарот на Оклахома, Чет Холмгрен, генерација 2002. Втор пик на драфтот од пред две години, висок 216. Учинокот од ноќеска на првиот меч од новата сезона против шампионот од НБА 2023-та му е: 25 поени, 14 скока, 5 асистенции, 4 блокади, 2 украдени топки.

Во контекст на видеово од фудбалскиот клуб Чивас од Мексико, ни текна на една анегдота за фудбалер од Пештани познат како Бакуле. Кусиот разговор меѓу него и тренерот пред натпревар оди вака:

Добар старт за Јокиќ, лош за тимот на Денвер кој со убедлив пораз на домашен терен ја почна новата сезона.

Партизан има ново раководство кое најавува промени во фудбалскиот клуб. Претседател е политичарот Расим Љаиќ, а за спортски директор е назначен легендарниот Предраг Мијатовиќ, кој за Партизан има 100 настапи и 44 гола во периодот од 1989 до 1993 година. Да ја чуеме прогнозата на Раде Богдановиќ.

Јужна Америка е посебна фудбалска приказна, особено Копа Либертадорес. Во едното полуфинале, Атлетико Минеиро на првиот дуел ја совлада Риверт Плејт со 3:0. Атмосферата што ја прават е повеќе од фудбалски празник.

Ламин Јамал не постигна гол синоќа, ама ја има најјаката асистенција на колото, прогласена од УЕФА. Малиот одигра нова фантастична партија, предобра за свои години против еден таков сериозен противник.

Тимур Дибиров ви е дечки, нешто како Хавиер Занети во фудбал. Знаете на што мислиме така? Издржливост и долговечност, ама во топ форма.

Новата сезона во НБА стартуваше со необичен и ретко виден кикс кој се случи на мечот меѓу Индијана и Детроит. На 8 минути до крајот на средбата, Пистонси во напад отидоа со 6 играчи, исто како Златибор пред неколку дена против Широки. Со таа разлика што во АБА 2 судиите заспаа и оставија играта да продолжи, а во НБА веднаш забележаа и ги казнија со техничка грешка.

Третото коло од ЛШ мина во знакот на шпанската фудбалска лекција против гигантите од Бундеслигата и тоа двојна. Реал ја намачка на леб Борусија со 5:2, а Барселона го доби убедливо Баерн со 4:1. Буквално ги здробија и целосно ги надиграа, а на моменти си поигруваа како со мали деца.

68-то издание на Златната топка во режија на Франс фудбал, за прв пат во историјата ќе ги награди најдобрите врз база на резултатите на сезоната која измина (1 август 2023 - 31 јули 2024), а не календарската година. Номинациите ги соопштија на 4 септември, а церемонијата на наградите е на 28 октомври. Како се калеше најпрестижната индивидуална фудбалска награда во светот, која Меси ја има освоено рекордни 8 пати?

Манчестер Сити ја имаше најубедливата победа синоќа во ЛШ, откако ја торпедираше Спарта Прага со 5:0. Халанд постигна два комада. Сите зборуваа и се чудат поради начинот на кој успеа да го реализира едниот. Со исклучот на ваквите акробации на Ибра, не се гледа вакво нешто во фудбалот.

Динамо Загреб оствари голема гостинска победа во Лига на шампиони, а поранешниот капитен на Македонија доби големо признание.

И втората мега пресметка по Реал - Борусија, заврши со шпанска лекција за Германците. Барселона го декласираше Баерн, а Манчестер Сити и пукна петарда на Спарта Прага. Дури пет гостински екипи собраа по 3 бода во втората вечер од 3. коло во ЛШ. Динамо Загреб го изненади Салцург, а Лил го освои Мадрид. Елмас влезе во 86-та минута, но не успеа да го спаси Лајпциг од пораз против Ливерпул. Интер победи со гол во 93-та.

Монако ја декласираше Црвена Ѕвезда со 5:1 во 3. коло од ЛШ, а потегот на мечот и вечерта е дело на Вилфред Синго кој душмански ја опали, да не можат двајца голмани да ја фатат.

38 годишниот Хулк, кој игра за Атлетико Миниеро, а претходно лупаше голови за Шангај, Зенит и Порто, има љубовен живот за кој многу пати се пишува, но тешко се разбира. Последно што е познато е дека стана татко по четврти пат, откако неговата сопруга Камила му роди дете, која инаку е внука на неговата прва жена. Барајте помош ако нешто не ви е јасно. Од нас толку.

Во Мадрид Реал и Борусија Дортмунд одиграа фантастичен меч. Германскиот состав имаше водство од 0-2 но до крај прими пет гола и доживеа дебакл режиран од Винисиус Жуниор. Јувентус на Мота го претрпе првиот пораз после 10 натпревари по ред.

„Да се ​​биде близу до еден од најважните тренери на сите времиња е многу повеќе од доволно и е неверојатна чест за мене. Сер Алекс Фергусон е најдобар во оваа земја и во цел свет“ .

Италијанската судиска икона, Пјерлуиџи Колина, кој шест пати е прогласуван за најдобар судија во светот, зборува на тема која сите љубители на Серија А би сакале да ја чујат. Па и пошироко.

Мирза Џомба беше во Скопје за да сними интервју со Кире Лазаров за познатата емисија „(Не)успех првака“. Две легенди кои инаку играа заедно во Загреб и Веспрем. Тренерот на Алкалоид и селектор на Македонија открива дека како тинејџер, играл истовремено за две екипи, од кои во едната заедно со татко му.

Навивачите на Хајдук Сплит можат да бидат задоволни од тоа како Џенаро Гатузо се справи со резултатската криза, ја крена формата на екипата и во моментов се први на табела во Хрватска со 24 бода пред Ријека и Динамо З. кои имаат по 20. Гатузо отсекогаш имал искрени и спонтани реакции па така и сега на прес-конференција кога пробал вода со вкус на кокос.

Во холандската втора лига Хелмонд Спорт со 2-1 ја победил Рода. Првиот гол за домаќинот кој е прв на табела го постигнал Ленерд Данеелс. Погледнете какво голчиште.

Каква цуцла, какво млеко, Ривер Плејт даде гол. За едно 20 години по гостувања ќе го викаат и ќе го верглаат клипов. Кај нас едниот родител ако сака да го однесе детето на стадион, другиот одма: Да не му е ладно? Кај таму по гужви ќе го носиш.

За време на едно јавување на поранешниот познат и високо котиран шпански судија Пахарес Паз во најпопуларната емисија El Chiringuito, папагалот во неговиот дом во позадина почнува да ја свирка химната на Реал Мадрид. Судијата проба да го замолчи со шушкање, ама во студио веќе почна јако клештење.