При резултат 3:2 за Бенфика, домашните фудбалери задоволно ја чуваа топката но публиката со свирежи и реакција ги потсети дека им фали уште еден гол за да се пласираат во доигрување за осминафинале како последна екипа на тој пат.
И затоа Жозе Мурињо го прати домашниот голман кој само неколку секунди претходно задржувше време, во противнички шеснаесетник. Трубин постигна прекрасен гол со глава после центаршут од прекин во 90+8' минута за 4-2!
1 - Anatoliy Trubin 🇺🇦 has become the first goalkeeper ever to score against Real Madrid in any European competition. Progressed.#BenficaMadrid #Benfica #ChampionsLeague2026 pic.twitter.com/Iuxl3FnYaL
— OptaJose (@OptaJose) January 28, 2026
Оваа вест одекна во целиот фудбалски свет па на голманот Анатолиј Трубин од Украина му честитаа од сите страни. Пеп Гвардиола му се заблагодари на Мурињо за тоа што со триумфот на Бенфика од 4:2 над Реал Мадрид, Манчестер Сити обезбеди пласман во Топ8.
Реал Мадрид прв поведе преку Мбапе во 30' минута но домаќините набрзо направија голем пресврт и со головите на Шјелдруп и расниот стрелец Василис Павлидис имаа 2-1 на полувреме.
Шјелдруп на старт на вториот дел во 54' минута зголеми на 3-1, а Мбапе намали на 3-2 во 58-ма минута.
Во финишот Реал Мадрид влезе со двајца играчи помалку откако прво Асенсио доби втор жолт и црвен во 90+2' од судиско продолжение а веднаш потоа и Родриго во 90+6'.
Во 90+8' Трубин го постигна сензационалниот гол кој уште долго ќе се раскажува. Украинскиот голман стана прв голман кој му дал гол на Реал во историјата на Лига на шампиони.
„Кралскиот клуб“ ќе мора преку бараж да стигне до осминафинале.
