Ова не е таканаречена класична ждрепка, туку после заедничката етапа секоја екипа во баражот добива по два потенцијални противници. На пример на Реал Мадрид и Интер како први ривали во баражот можеа да им паднат само последната и претпоследната екипа кои обезбедија бараж: Бенфика или Бодо Глимт.
Реал се падна со Бенфика а Интер ќе оди во поларниот круг кај Бодо Глимт кој направи две огромни сензации со победи од 3:1 над Манчестер Сити и 1:2 над Атлетико Мадрид.
Актуелниот првак ПСЖ ќе игра против ривалот од француската Лига 1 Монако.
Првите натпревари се играат на 17-ти и 18-ти февруари а реваншите се закажани за 24-ти и 25-ти февруари.
Победниците од овие парови ќе играат во осминафинале каде веќе се Арсенал, Баерн Минхен, Ливерпул, Тотенхем, Барселона, Челси, Спортинг и Манчестер Сити. Ждрепката за таа фаза и за сите следни до крај ќе се влече на 27-ми февруари.
Големото финале на Лига на шампиони е закажано за 30-ти мај 2026 во Будимпешта.
ПАРОВИ 1/16 ФИНАЛЕ, ЛИГА НА ШАМПИОНИ:
МОНАКО - ПАРИ СЕН ЖЕРМЕН
БЕНФИКА - РЕАЛ МАДРИД
КАРАБАХ - ЊУКАСЛ
БОДО ГЛИМТ - ИНТЕР
ГАЛАТАСАРАЈ - ЈУВЕНТУС
БОРУСИЈА ДОРТМУНД - АТАЛАНТА
КЛУБ БРИЖ - АТЛЕТИКО МАДРИД
ОЛИМПИЈАКОС - БАЕР ЛЕВЕРКУЗЕН
