На стартот на пролетниот дел Лукоил во вистинска форма
ЈП Водовод 6-11(2-4)Лукоил
ЈП Водовод: Авни Ајвази 18’ 40’ Стојанче Величковски 31’ Стефан Лазарески 19’ 23’ 37’
Лукоил: Марјан Цветковски 10’ Дејан Зиков 9’ 23’ 32’ Мартин Алаѓозовски 20’ 34’ 38’ Антонио Фенов 1’ 11’ 4’ Владимир Секуловски 39’
Уште на самиот старт во дуелот помеѓу Водовод и Лукоил, екипата на Лукоил беше таа која ја превзеде инцијативата и успеа да постигне погодок уште во првата минута за водство од 0-1. Овој рано постигнат погодок и даде мотив за уште поагресивно да тргне кон голот на Водовод за веќе во 11та минута да се стекне со водство од 0-4. Екипата на Водовод се обидуваше на повеќе начини да фати резултатски притисок но не успеа во таа намера па на полувреме се замина со предност од 2-4 за Лукоил. Во второто полувреме екипата на Водовод вршеше жесток притисок кон голот на Лукоил со цел да ја намали резултатска разлика, но екипата на Лукоил го контролираше резултатот и играта па го доби овој натпревар со 6-11.
Аптив со одлично второ полувреме до пресврт и победа над Уни Банка
Аптив 7-2(1-2)Уни Банка
Аптив: Александар Марковски 19’ Дамјан Хрдаличка 30’ Иле Трајковски 35’ 37’ Кире Стаматовски 35’ 36’ 40’
Уни Банка: Ѓорѓи Пецевски 11’ Александар Кузинаков 18’
Интересно прво полувреме одиграа екипите на Аптив и Уни Банка. Уште на самиот старт двете екипи наметнаа високо темпо на игра што донесе шанси за погодок на двете страни. Кон средината на полувремето екипата на Уни Банка со погодокот на Пецевски успеа да го превземе водството. Како одминуваше времето двете екипи започнаа со поагресивен фудбал што во 18та минута на Уни Банка и донесе предност од 0-2. И кога се очекуваше на полувреме да се замине со овој резултат екипата на Аптив успеа да постигне погодок и да намали на 1-2 резултат со кој се замина на паузата. Во второто полувреме екипата на Аптив ја превзеде иницијативата и вршеше силен притисок кон голот на Уни Банка што вроди со плод во периодот од 30та до 36та минута кога успеаа да постигнат 4 погодоци за целосен резултатски пресврт. Екипата на Уни Банка по овој резултатски шок не успеа да се врати во игра па го загуби овој натпревар со 7-2
Матрикс со колективна игра до победа над Гранит
Матрикс 7-3(4-2)Гранит
Матрикс: Петре Даиловски 8’ 32’ Мирко Богески 18’ 19’ Антонио Богдановски 14’ Роберт Тасевски 24’ Симеон Коцевски 40’
Гранит: Дарко Петров 4’ 29’ Николче Глигуровски 13’
Одличен старт за екипата на Гранит во дуелот против Матрикс со погодокот на Петров во 4та минута за водство од 0-1. По оваа негатива екипата на Матрикс започна со силен притисок кон голот на Гранит што во 8та минута со прекрасниот погодок на Даиловски и донесе израмнување на 1-1. Неколку минути подоцна односно во 13та минута екипата на Гранит преку Глигуровски повторно го превзеде водството на 1-2, следуваше брз одговор на екипата на Матрикс со погодокот на Богдановски и израмнвуање во 14та минута. До крајот на полувремето екипата на Матрикс успеа преку два брзи погодоци на Богески да стекне солидна предност од 4-2 резултат со кој се замина на паузата. Во второто полувреме се продолжи во висок ритам на игра во која екипата на Матрикс успеваше да го контролира резултатот и покрај обидите на Гранит да фати резултатски приклучок. Екипата на Гранит успеа да креира неколку шанси за погодок но не успеа да реалзира а тоа го кознуваше екипата на Матрикс за победа од 7-3 во овој натпревар.
