Медведев играше совршен тенис и се надева дека во финалето против Ѓоковиќ ќе ја повтори играта што ја имаше сега на овој турнир и онаа од пред две години кога токму против Новак во финалето победи и го освои УС Опен.
Во меѓусебните дуели Ѓоковиќ води 9-5 а на тврда подлога Новак има 8:4 против Медведев. Последниот меч го доби Медведев 6:4 6:4 на турнирот во Дубаи во полуфинале годинава.
По трет пат Србинот и Русинот ќе се сретнат во финале на „Гренд слем“. Новак славеше на Австралија Опен во 2021 а Медведев победи на споменатиот УС Опен кога го спречи Ѓоковиќ да освои календарски Слем.
