Ѓоковиќ скришно му даде 100 евра на дете, ама со причина

Новак Ѓоковиќ како и често пати, беше да ја бодри Црвена Ѕвезда во живо на мечот против Валенсија од Евролигата кој белграѓани го добија 92:73. Камера го улови како му дава пари на едно од децата кои се сликаа со него.

Пред стартот на средбата околу Новак имаше гужва за сликање во која тенисерот скришно му подава пари на едно дете.

Српските медиуми пишуваат дека додека малиот заедно со другарите одел на кошарка, ја нашол надвор платежната картица на Ѓоковиќ, а обезбедувањето дозволило да му пријдат на тенисерот за да му ја вратат.

Новак го почасти со 100 евра, а на видеото се слуша и како им се заблагодарува за гестот.

Го снимија и како реагира на скандирањето на навивачите Косово - Србија.