Филмот „Формула 1“ со Бред Пит прави попара по Азија и Европа

Новиот филм „Ф1 - Филмот“ режиран од Џозеф Косински а со Бред Пит во главна улога раскажува приказна за извесен лик Сони Хејс кој во '90-те години бил врвен Формула 1 пилот се до еден инцидент кој му ја прекинал кариерата. После година и нешто, сопственикот на тимот кој паѓал во бездна, го убедил Сони да се врати и да ја покрене екипата.

Во Кина досега филмот има заработка од 55,1 милион долари а почнал да се прикажува на крајот од јуни. Во Велика Британија заработката само досега е 28 милиони долари, во Франција 26.7 милиони долари, во Јужна Кореја 24 милиони долари.

„Ф1 - Филмот“ се прикажува уште и во Мексико, Австралија, Германија, Тајван, Индија, Јапонија и секаде има повеќемилионски договори а наскоро се очекува да се дава и насекаде ширум Европа.

Досега филмот донел 546 милиони долари глобално што е нов рекорд на Бред Пит чиј досегашен рекорд беше World War Z кој остварил заработка од 540 милиони долари.