Избраниците на Кире Лазаров, рутински по втор пат во квалификацискиот циклус слават против аутсајдерот во групата 1 кој ги загуби сите досегашни пет натпревари.
Домаќините пружија отпор на стартот на натпреварот, па дури имаа неколку пати и водство од 2 гола разлика, но Македонија очекувано се избори за пресврт и на полувреме водеше 12:14.
Во 40-та минута има минимална предност од 16:17, но потоа играа поубедливо и во 50-та минута имаа +7 за на крај да го заверат триумфот со резултат 23:28.
Повратниот Филип Талески беше најпрецизен со 8 гола, Филип Кузмановски и Мартин Серафимов постигнаа по 4, а Жарко Пешевски 3. На голот Марко Кизиќ имаше 10 интервенции, а Никола Митревски една.
Португалците очекувано ја совладаа денеска Турција и со 10 бода се бетонираа на лидерската позиција. Македонија е втора со 6, Турција има 4 и Луксембург 0.
Со оглед на тоа што во октомври минатата година во Турција славевме 27:36, потребно е чудо во последното коло за да го уништиме пласманот на следното Европско првенство кое се игра следниот јануари во Германија.
На Турците во недела во Борис Трајковски им е потребна победа од 10 гола разлика. Мечот се игра во 18 часот.
