Додека голем дел од нивните соиграчи кои беа дел од славната трофејна генерација која во 2009/2010 освои дури три пехари, Марко Матераци и Весли Снајдер синоќа од жариштето на интеровата трибина, водеа навивање меѓу ултрасите.

Италија вечерва ќе биде поделена куќа по куќа, кварт по кварт, општина по општина, што всушност и не е некоја новина. Северот го држат навивачите на Милан, а Центар и Југ оние на Интер.

Во најнеизвесната завршница на грчката Суперлига во последните дваесетина години, за титулата до крај се бореа АЕК и Панатинаикос, двата клуба од Атина кои искористија што хегемонот Олимпијакос е заспан веќе подолго време.

Барселона со 2-4 го победи лутиот градски ривал Еспањол на негов терен и теоретски ја освои шампионската титула, прва после четири години. На крајот од мечот домашните навивачи влетаа на терен и го прекинаа гостинското славје.

На денешниот луд натпревар меѓу Лидс Јунајтед и Њукасл Јунајтед на кој домашните се бореа за бодови за опстанок а гостите за бодови за Лига на шампиони, имаше дури три пенали, црвен картон и четири гола. На крајот праведни 2:2. Еден домашен навивач упаднал на терен и му се пушти на гостинскиот тренер Еди Хау. Со законите од Маргарет Тачер наваму, којзнае што го чека.

Во 1987-ма година кога Наполи го освои своето прво шампионско скудето во клупската историја, некои духовити навивачи, на централните градски гробишта Поџореале закачиле парола со натпис: „Не знаат што пропуштаат“. Слична парола на исто место закачиле и сега, по незапаметените прослави ширум градот каде деноноќно се славеше заслужената шампионска титула.

И покрај тоа што имаа комотна предност од 18 поени разлика среде Мадрид, Партизан не успеа да ја добие мајсторката против Реал, вредна фајнлфор во Евролигата. Кошаркарите со спуштени глави се вратија во Белград, ама наидоа на голема и гласна поддршка од навивачите, без разлика што прокоцкаа предност од 2:0 во серијата.

Интер го совлада Милан со 0-2 на номинално гостински терен и практично со една нога е во големото финале на Лига на шампиони. Актуелниот шампион на Италија ја одигра можеби најслабата средба сезонава и во клучниот дел од истата падна во форма. Единствено што држат форма се навивачите кои неуморно ги креваат најубавите кореографии во Лига на шампиони.

На две кола пред крајот на италијанската втора лига Серија Б, Парма е на 6-то место и теоретски обезбеди учество во баражот за пласман во Серија А. Парма со 2-0 ја победи Бреша на култниот „Енио Тардини“ каде на навивачката трибина бил и легендарниот Фаустино Асприља кој повел и навивање. Колумбиецот бил гостин по повод прекрасниот јубилеј од првиот освоен трофеј на Парма.

Ова ќе трае со денови и кој знае уште што сè би виделе ако им текне да пуштат едно 100 дронови низ улиците на Неапол.

Еден загинат и околу 200 повредени е досегашниот биланс од славјето на навивачите на Наполи. Наполитанци се тоа и во такви моменти го губат паметот. Погледнете го што работи овој со детето.

Млад Италијанец, познат по својот Јутјуб канал PirlasV лани отишол на прослава на титула на Милан среде Дуомо со дрес од Интер. Сега отишол во епицентарот на Наполи каде славело скудето во дрес Јувентус со број 9 на Влаховиќ. Присутните имале разбирање веројатно сфатиле дека е некој шоумен, јутјубер што год. На крај се гушка со тие околу него и поентира дека фудбалот е спорт, забава и дека Наполитанците не се такви какви што ги претставуваат насекаде.

Градот од Југот на Италија славеше шампионска титула долго во ноќта. Илјадници млади, стари, мажи, жени излегоа на градските улици да го слават скудетото кое го сонуваа од далечната 1990-та година. Денес излегуваат мераклиски видеа од пиротехничките спектакли.

Прво им сметаше Мбапе бидејќи наводно бил во преговори со Реал па го свиреа на стадион, сега им се сипаа и на Меси и Нејмар и тоа со погрдни зборови, мислиш направиле трансфери во најомразениот ривал.

Партизан и Реал Мадрид одиграа уште еден натпревар за паметење. Гостите успеаа да го преживеат гротлото на белградска Арена и да слават минимална победа 80-82. „Кралскиот клуб“ намали на 2-1 во серијата, а пред натпреварот додека спикерот ги читаше имињата на играчите на Реал, преку 20.000 луѓе во Арена им свртеа грб во знак на протест за тоа што го направија на вториот дуел.

Тетекс, Пелистер и Кожуф се последните три пресметки за Вардарци во беспоштедната, долгата и херојска битка која ја бијат за кам бек во прва лига. Комити ги одржуваат играчите финансиски во живот, а за саботниот меч против тетовчани организираат и акција.

Наполитанците имаат чудесна страст за фудбал и само нивната веројатно може во некој поглед да се спореди со онаа на Аргентинците. Додека бандата на Спалети им ја крчка титулата, тие вадат нов постер со Марадона и од тоа прават шоу, веројатно како потсетување на нивната најголема легенда која им ги донесе досегашните две Скудета.

Серхио Љуљ го направи клучниот потег по кој избувна групната тепачка во Мадрид, ама Гершон Јабуселе беше безобразно груб и насилен, до таа мера што на Данте Егзум му ја заврши сезоната. Навивачите на Партизан одговорија брутално.

На култниот стадион, најпознат на светот, Маракана во Рио де Жанеиро сезониве игра Флуминенсе, еден од потрофејните клубови од Бразил. Кога даваат гол, бучавата го дрма градот.

Ривер растура во аргентинската Примера дивизион и после 13 кола е лидер со 33 освоени бода (11 победи, 2 порази). Синоќа во големото дерби против Индепендиенте славеа 2-0. А атмосферата на трибините и натаму е спектакуларна, особено сега пред проширен и реновиран „Монументал“ каде крца секој натпревар.

Најтрофејниот грчки клуб и долгогодишен хегемон Олимпијакос, сезонава најверојатно ќе се прости од титулата. Во неделата вечер со 1-3 ги декласираше големиот ривал АЕК и тоа на нивен терен во Пиреја. На плејоф табелата за титула, Панатинаикос е прв со 72 бода колку што има и АЕК, Олимпијакос е трет со 63 бода, а Паок четврти со 60.

И покрај тоа што Воска Спорт одлучи да ги затвори вратите за мечот со Вардар, сепак Комити го исполнија ветувањето и извршија инвазија во Охрид.