По 94 години историја, Рома се израдува на европски трофеј, трет според рангот на УЕФА. Мурињо и компанија пристигнаа во метрополатa која беше обоена во црвено жолта боја. По шампионската парада со отворен автобус, фудбалерите продолжија во тренинг базата, каде откачија со диско журка и фрлање во базен со се облека.

Конечно некоја понормална навивачка сторија поврзана со финалето во Тирана. До сега сè беше со тепачки, повредени полицајци, протерани хулигани и сè на сè многу насилство меѓу навивачките групи на Рома и Феенорд.

Четирикратниот германски шампион и двократен освојувач на Купот на Германија, познатиот Кајзерслаутер со години дреме во пониските лиги на германскиот фудбал и се чини дека конечно го враќа стариот сјај. Кајзер по домашните 0-0 во баражот за пласман во втора Бундеслига, на гости го совлада Динамо Дрезден со 0-2 и обезбеди втора лига во новата сезона. Навивачите на враќање од Дрезден од воз палеле огномети.

11 годишниот пост од титулата придонесе за огромна еуфорија меѓу навивачите на Милан. Пјаца Дуомо гореше на прославата, а претходно и стадионот на Сасуоло каде миланистите направија инвазија во бројка од 18.000. Меѓу нив имаше и Македонци кои одбиле 2.000 евра за една карта пред натпревар.

Вечерва од 21 часот се игра финалето на Лига Конференции меѓу Рома и Феенорд. Ова е трето натпреварување во хиерархијата на УЕФА која што самата малку како да го потцени.

Видео со дедо и внук од регионот Чешир во Манчестер кои одат на историскиот натпревар меѓу нивниот Сити и Астон Вила во кој домаќинот направи епски пресврт од 0:2 на 3:2 за пет минути и ја освои шампионската титула, е најголемиот хит во европскиот фудбал.

Па додека е Ибрахимовиќ присутен никој не смее да помисли да го смени хитот на Нада Топчагиќ - Јутро је. Од Сан Ремо до клупскиот автобус за прослава на титулата во Милано пред илјадници навивачи.

Стотина најверни тифози на Милан од земјава, собрани во фан клубот Росонери Македонија, за време и по мечот со Сасуоло на најубав начин го прославија скудетото.

Стотици илјади навивачи на Милан ширум Италија а милиони ширум светот го прославија долго очекуваното 19. шампионско скудето. Централна фигура на целата прослава на титула беше лудиот Ибра кој многу придонесе во освојување на вредниот пехар. На крај излезе со пура и шампањ, а пред навивачите изјави:

Фудбалерите на Црвена звезда го победија Вождовац 3-1 во последното коло од српската лига и ја освоија 33. шампионска титула во историјата, а петта последователна. Звезда заврши прва со само два бода предност над вечниот ривал Партизан.

Заврши и најинтересната сезона во хрватската фудбалска лига во последните десетина години. За титула сега не беше само Динамо, туку се бркаа уште три други клуба: Осијек, Ријека и Хајдук. Но на крајот „модрите“ од Загреб направија мала бодовна разлика, доволна да ја прослават 23-та титула.

Во целата драма во последно коло во Премиер лига, Ливерпул успеа да го сврти резултатот против Вулверхемптон и да чека Астон Вила и Стивен Џерард да направат шок во Манчестер. На „Енфилд Роуд“ во еден момент додека црвените водеа, некој со алузија на мечот Сити - Вила викнал 3:3! И тоа беше доволна причина илјадници навивачи да паднат во транс мислејќи дека освоиле титула.

Манчестер Сити дефинитивно царува со најдобрата лига на светот. Пеп Гвардиола освои четири шампионски титули во последните пет сезони, но мора да се признае дека последнава ќе им биде најслатка, зошто ја освоија буквално после страшен пресврт од 0-2 на 3-2 во последно коло.

Многу насилство во англискиот фудбал деновиве. Откако тренерот на Кристал Палас, Патрик Виера му влезе со клоца на навивач на Евертон, се појави видео на кое се гледа како навивачка на Евертон удира играч на Кристал Палас кој се срчка со Деле Али. Нападот и е очаен, ама сепак е катастрофален пример за децата, а има едно до нејзе, па уште и тоа се дрзна да замавнува.

Шампионот на Швајцарија, Цирих, кој убедливо со 17 бода предност е на прво место, си дозволи пораз на гостувањето кај Лугано 2:1. За време на мечот, навивачите на Цирих распалија жесток огномет од гостинската трибина. А како и не би кога шампиони станаа после цели 13 години!

На Ромерберг, централниот плоштад во Франкфурт илјадници навивачи на Ајнтрахт ги поздравија своите херои кои на клубот и градот им донесоа прв европски трофеј после цели 42 години! Прослава каква што можат да направат само најдобрите навивачи сезонава во Европа.

Кога ќе ги погледне човек овие сцени, да знае каде било појако да се гледа финалето од ЛЕ, кај домаќинот Севиља или кај победникот во Франкфурт. Цел стадион ги исполнија царевите за да го гледаат мечот на видео бим. Па ова е нереално.

Одат на гостување по 10, 20, па и до 30.000, тоа не е никаков проблем, без разлика колку е далеку дестинацијата. Погледнете како се загреваа пред вечерашното финале од ЛЕ против Глазгов. Моќен хор.

Глазгов Ренџерс во 1972-ра го освои Купот на Куповите на победниците и од тогаш нема европски трофеј. На тоа финале биле четворица другари и еве ги после долги 50 години, за жал во некомплетна екипа, повторно се вратија во Шпанија. Тогаш беа во Барселона, а сега се во Севиља.

Рома ќе игра европско финале по пауза од 31 година, а еуфоријата на навивачите драстично се засилува. Еден од што не можел да издржи, извршил кражба во фан шопот на клубот.

По освојувањето на Мастерсот во Рим каде стана најстар победник со 34 дена, 11 месеци и 23 дена, се појави снимка од 1991-ва од човекот кој владее 370 недели на врвот на АТП листата. Уште на 4 години знаел да држи рекет и да го удира топчето со форхенд и бекхенд.

На специјалистот за четврто место во Премиер лига веќе му стана недостижно тоа пусто четврто место. Синоќа загубија од Њукасл, кој не се бори за ништо и во последно коло влегуваат како петти со -2 зад Тотенхем. Очајот на еден ист навивач снимен две сезони по ред. Бара да им се вратат парите на навивачи кои биле на гостување.

И покрај тоа што Лудогорец е апсолутен хегемон во бугарскиот фудбал и ја освои 11-та шампионска титула по ред, Левски и ЦСКА Софија се најпопуларни клубови во Бугарија. Преку 40.000 гледачи го следеа големото финале на Купот меѓу овие ривали. По скоро 20.000 на двете страни. Едните сини, другите црвени.

Утврдивме дека Трабзонспор ја има најлудата прослава за освојувањето на титулата на која и се радуваат по пауза од 38 години. Сега утврдуваме дека е и најдолга. Две недели слават царевите, ама сега се префрлија на вода.