Пред речиси пола-пола поделен стадион „Ернст Хапел“ на кој имаше преку 20.000 навивачи на БиХ, гостите први поведоа во 12' минута преку Табаковиќ.
Австрија едвај израмни во 77-ма минута преку резервистот Грегорич и тој бод значеше дека остануваат први на табела.
Прославија Австријците по натпреварот накратко со своите навивачи а прославата делуваше пристојно и умерено, типично австриско-германски.
Дури и после натпреварот улиците биле празни, тивки и како Австрија да не остварила историски пласман на Светско првенство. За разлика од таму на пример во Шкотска се точеле хектолитри пиво и се урлало по улиците на Глазгов, Единбург и другите градови по неверојатната драма со Данска. И на многу други страни во светот беше лудо и еуфорично. Но не и во Австрија.
Austrian team bus a little after midnight, no fans no nothing going on, who would have thought they qualified for the World Cup after 28 Years. Would have been different if the result happened other way around last night for us even though we have been to one in 2014. pic.twitter.com/OmsbSjIkXY
— Bosnian Football (@BosniaNTBall) November 19, 2025
Веднаш по натпреварот капитенот Марко Арнаутовиќ во микс-зоната се обрати до австрискиот претседател Александер Ван дер Белен и во занес му порача 18-ти април да биде прогласен за државен празник, неработен ден и да се слави пласманот на Светско првенство.
Првиот човек на Австрија, Ван дер Белен му одговори на Арнаутовиќ со видео на Инстаграм:
„Драг Марко, твојата идеја од синоќа е секако нешто што сојузната Влада и јас би требало да го поддржиме. Но погледни го ова, вели претседателот на Австрија на снимката и покажува фотографија од пехарот наменет за светксиот шампион. „Ти изгледа познато, нели? Ако ова го донесете во Виена на крајот од јули следната година може пак да разговараме“.
