- По минувањето на првотo квалификациско коло во ЛШ против Линколн од Гибралтар со вкупни 3:2, македонскиот првак оди на мегдан на хрватскиот со кој се среќава на 19-ти и 26-ти јули.
- Легендарниот Вардарец, Васил Рингов кој го носеше дресот на Динамо Загреб во сезоната 1983/1984, смета дека Шкупи нема што да бара со нив и дека квалитетот на странците им е како на просечен хрватски клуб од рангот на Интер Запрешиќ.
- „Динамо е за неколку класи подобар од Шкупи. Ростерот кој го има Гоце Седлоски нема квалитет да игра против Динамо, а ете едвај го поминаа друштвото од Гибралтар“.
- Помладиот брат на Килијан Мбапе, Итан Мбапе кој игра за француски Лил доби драстична казна од УЕФА за црвениот картон на дуелот со Реал Бетис во Лига на шампиони. Итан Мбапе (19) доби директен црвен картон по намерниот удар со лакт кон бразилскиот одбранбен фудбалер Натан.
- УЕФА му даде на Итан Мбапе 3 натпревари суспензија па тој нема да биде во составот на Лил на следните дуели во европската елита.
- Тренерот на Тиквеш, Оливер Богатинов е Македонец од Словенија. Роден е во Јасенице близу Крањ 1978 година, а сега со кавадарчани како тренер прави чуда во ПМФЛ во изминатата сезона.
- „Како прво јас сум и Словенец и Македонец, имам два пасоши. Роден сум во Словенија, но со длабоки македонски корени“ вели Богатинов на почеток во интервјуто за СпортСпорт, кој инаку бил на првиот меч на Македонија на 13 октомври 1993 година, кога ја доби Словенија со 1:4.
- „Во текот на целиот меч гледав само во еден играч на теренот, во Дарко Панчев. И јас бев напаѓач па се обидував нешто да „украдам“ од Дарко, кој за мене тогаш најдобар напаѓач во светот, за мене тој беше божество. Бев пресреќен што во живо го гледав мојот идол“.
- „Очекувам подобро издание на Македонија вечерва. Македонија има потенцијал во средниот ред, пред сè тука се Елмас, Барди, малиот Матеј Гаштаров. Сепак ќе треба време коцките да се наместат. На Седлоски како и на неговиот вечерашен ривал, а некогашен соиграч од Динамо Загреб, Боштјан Цесар, ќе му треба време. И двајцата беа стопери па затоа вниманието им е во дефанзивата. Словенија има одличен голман во Облак, има добра одбрана, ама има проблеми во нападот, посебно кога го нема Шешко“, смета Богатинов.
