• ФФМ веќе е во процес за имплементација на ВАР систем во македонскиот фудбал, со што ќе се направи значаен чекор во модернизацијата на Првата македонска фудбалска лига.
• Во рамки на постапката, ФФМ веќе има добиено понуди од компании специјализирани за ВАР технологија и во моментот е во фаза на евалуација и избор на најсоодветниот понудувач.
• Овој процес се спроведува во тесна координација со ФИФА и УЕФА, во согласност со сите меѓународни стандарди за имплементација и користење на ВАР системот.
• Тоа значи дека веќе од следната натпреварувачка сезона, ВАР ќе биде дел од натпреварите во Првата лига, соопштуваат од Фудбалската федерација на Македонија. 

Фото: EpaImages 

• Италијанскиот тренер во обид, Фабио Канаваро доби моментален отказ од хрватскиот шампион Динамо Загреб по новата бламажа и тешкиот пораз 3-0 од Истра во домашната ХНЛ во неделата.
• Динамо Загреб сега е на осум бодови заостаток од ривалот Хајдук и 7 бодови зад Ријека на 8 кола пред крајот на хрватското првенство. 51-годишниот некогашен добитник на Златната топка за најдобар фудбалер на светот, кој играше стопер, Динамо го водеше на 14 натпревари на кои забележа: 7 победи, 2 нерешени и дури 5 порази.
• Откако е речиси јасно дека „модрите“ ќе останат без шампионскиот пехар, Динамо реши да се обиде да ја спаси некако сезоната. Канаваро ќе добие прилично добро обештетување за предвремен раскин на договорот. Италијанецот ќе добие околу 700.000 евра и уште 500.000 евра ќе одат на сметка на неговите помошници Франческо Троизе и Еуџенио Албарела, вкупно околу 1,2 милиони евра ќе си ја плати Динамо Загреб лошата проценка.
• Сандро Перковиќ, пак, како и лани, ќе биде в.д. тренер на првиот тим.