- Ванчо Трпевски кој се одјави на 87 годишна возраст, цел живот му го посвети на Вардар. Почна како играч уште во 50-те години во младинските категории, а во сезоната 1993/94 како тренер ја освои шампионска титула, втора за црвено црните во независна Македонија.
- Во сениорската екипа на Вардар остана забележана соработката со Стјепан Бобек, Вукашин Вишњевац, Андон Дончевски, Ѓорѓе Герум, а често работните обврски како дел од стручниот штаб ги споделуваше и со Часлав Божиновски, Петар Шулинчевски, Методија Спасовски, Сократ Мојсов, Перица Груевски и со Ѓоко Хаџиевски.
- Трпевски работеше и како селектор на пионерската, јуниорската и сениорската репрезентација на Македонија во рамките на СФРЈ, а по независноста и селектор на јуниорската репрезентација на Македонија, потоа и на младинската до 21 година.
- Кошаркарите и стручниот штаб на најтрофејниот спортски колектив во земјава КК Работнички конечно отворија душа и преку заеднички потпишано соопштение на јавноста и кажаа како стојат работите во паднатиот гигант кој од година во година крпи крај со крај.
- „Тимот функционира во недостоинствени услови, без основна опрема, без елементарна логистика и со постојана неизвесност околу најосновните организациски прашања. На патувања сме оставени сами на себе, без сигурен превоз, па често навивачите ги покриваат овие трошоци. Ова е срам за клуб со ваква историја и реноме.
- Дополнителен врв на непочитување е фактот што ниту играчите, ниту стручниот штаб не беа поканети на официјалното отворање на реновираната сала — нашата „куќа“. Овој чин јасно покажува колку малку се ценат луѓето кои секојдневно се борат за грбот и угледот на клубот.
- Јавно констатираме дека ветувањата дадени од градоначалникот не се исполнети, всушност, слободно можеме да кажеме дека тој неколку пати не излажа, а спортскиот директор со недели не одговара на телефонските повици и пораките, со што практично ја прекина секоја форма на комуникација со тимот. Ваквиот однос го сметаме за неодговорен и недозволив“.
- По обелоденувањето на документите од истрагата за сомнителни натпревари во Првата македонска фудбалска лига, целиот случај добива поширока димензија и свој заплет.
- Освен сопственикот на Башкими, Бурак Хида, во фокусот на јавноста се најде и претседателот на Шкендија, Љуљзим Имери, поради тоа што натпреварот меѓу двата клуба е дел од предметот што се разгледува од страна на највисокото фудбалско тело во Европа.
- Документите упатуваат на одредени релации и финансиски активности поврзани со лица од странство, кои се доведуваат во контекст со обложувања во периодот кога се одиграле спорните средби.
- Во вакви околности, штетата не е само правна или спортска. Потенцијалните последици можат да бидат и финансиски и репутациски, особено за Шкендија. Секое доведување на клубот во контекст на истрага за интегритет на натпреварување може директно да се одрази врз неговиот бренд и врз односот со главниот спонзор, Еколог.
