Offside › Набрзинка

Нови проблеми во Барселона, не можат да го регистрираат Флик

31 мај 2024

Поранешниот стратег на Баерн Минхен и селекцијата на Германија и официјално е нов тренер на Барселона, но не можат да го регистрираат поради неповолната економска состојба поврзана со „Фер плејот“ кој важи во Ла Лига.
Клубот едвај успеа да пријави играчи за завршената сезона, но дел од нив кои имаат договор не можеа да се пријават за следната бидејќи немаше место во сметката за плата.
Таа ситуација до ден денес сè уште не е решена. Пред сè, во моментов нема простор за пријавување на Ханси Флик и неговиот стручен штаб.
Во моментов не се регистрирани и четворица фудбалери, а тоа се Ињиго Мартинез, Алехандро Балде, Гави и Витор Роке.
Одборот на Барса продолжува да бара пари деноноќно. Им требаат приходи или продажба на играчи за да направат место во сметката за плати.

извор

Се подготвува врвен серијал за 80 години КК Работнички

15 јуни 2026

По повод големиот јубилеј 80 години од основањето на Кошаркарскиот клуб Работнички, сега КК Работнички АД Скопје, кој првиот натпревар го одигра на големиот празник Илинден во 1946 година, интензивно се подготвува, и наскоро на Ју-тјуб ќе почне да се емитува видео серијал.
„Тоа се мошне интересни разговори, што се водени главно, со голем дел од легендарните кошаркари и тренери во клупската историја, а беа снимени во текот на изминативе 50-ина дена“, соопштуваат од клубот на нивната Фејсбук страница.
Дел од соговорниците се: Александар Књазев, Радосављевиќ, Митко Луковски, Ѓорѓевски, Давитков, Докузовски, Марко Ивановиќ, Вукадиновиќ, ќе бидат прикажани и епизоди во кои соговорници се јавни личности – вклучително и љубители на нашиот клуб Архиепископот Охридски и Македонски г. г. Стефан, легендарниот фудбалер Дарко Панчев, Влатко Стефановски, проф. Д-р. Љубомир Кекеновски и многу други изненадувања од земјава и регионов...
Серијалот го подготвува следниов тим од четворица ентузијасти: Тадеј Здравкоски, Живко Здравкоски, Михаил Јосифовски и Даниел Зарев.

извор

Милан има нов тренер

15 јуни 2026

Конечно стигна веста.
Рубен Аморим (41) е нов тренер на повеќекратниот европски, светски, италијански шампион Милан. Роосонерите потпишале договор со доскорешниот тренер на Манчестер Јунајтед и Спортинг до 2028-ма година. Двете страни неделава треба да ги финализираат сите аспекти но договорот е веќе потпишан и Аморим ќе почне да гради нова екипа летово.
Откако селекторот на Австрија, легендарниот Ралф Рагник изјави дека раководството на Милан немало слух за неговите барања и не му одговарало на прашањата, тренерот крена раце, потпиша нов договор со австриската фудбалска федерација.
Милан тогаш се сврти кон Рубен Аморим од кого се очекува да го врати шампионскиот сјај на „Сан Сиро“.

извор