Offside › Набрзинка

Нови проблеми во Барселона, не можат да го регистрираат Флик

31 мај 2024

Поранешниот стратег на Баерн Минхен и селекцијата на Германија и официјално е нов тренер на Барселона, но не можат да го регистрираат поради неповолната економска состојба поврзана со „Фер плејот“ кој важи во Ла Лига.
Клубот едвај успеа да пријави играчи за завршената сезона, но дел од нив кои имаат договор не можеа да се пријават за следната бидејќи немаше место во сметката за плата.
Таа ситуација до ден денес сè уште не е решена. Пред сè, во моментов нема простор за пријавување на Ханси Флик и неговиот стручен штаб.
Во моментов не се регистрирани и четворица фудбалери, а тоа се Ињиго Мартинез, Алехандро Балде, Гави и Витор Роке.
Одборот на Барса продолжува да бара пари деноноќно. Им требаат приходи или продажба на играчи за да направат место во сметката за плати.

извор

Ограбен фудбалер на Рома, го заклучиле во соба со семејството па го ограбиле

17 март 2026

Во 3 часот ноќеска, фудбалерот од среден ред на Рома Неил Ел Ајнауи бил ограбен во својот дом во населбата Кастел Фузано во Рим.
24-годишниот Мароканец бил затворен од ограбувачите во една соба заедно со семејството. Од домот му биле украдени предмети во вредност од 10.000 евра, еден скапоцен Ролекс и други скапоцени чанти, пишува италијански Скај Спорт кој се повикува на италијанската агенција Анса.
Имало шест разбојници облечени во црно, вооружени со пиштоли и имало прекриени лица. Влегле преку еден прозор во дневната соба. Прво го заклучиле во една соба фудбалерот на Рома, мајка му, девојка му и брат му со девојка му. Римската полиција веќе е во активна потрага по разбојниците.
Ова е чест случај познати фудбалери од Италија, Шпанија, Франција или Англија да бидат ограбувани во своите домови.
Ел Ајнауи во Рома дојде од француски Ленс во трансфер вреден 23,5 милиони евра. Претходно играше за Нанси, клуб од истоимениот град каде што е роден. Сезонава има 26 настапи за Рома, даде 1 гол, има 1 асистенција и 5 жолти картони.

извор

Анчелоти објави список на Бразил, Нејмар лут што го нема

17 март 2026

Легендарниот италијански тренер кој стана селектор на Бразил, синоќа објави список на фудбалери на кои смета за претстојните пријателски средби со Франција на 26-ти март во Бостон и со Хрватска на 1-ви април во Орландо.
На списокот го нема Нејмар за кого Анчелоти објаснил дека не го повикал зошто не е 100% спремен физички. Повикани се двајца нови дебитанти, младите Рајан од Борнмут (крилен напаѓач) и најголемото изненадување во Премиер лигата Игор Тиаго од Брентфорд кој постигна 19 гола во Премиер лига и е втор стрелец во Англија.
После подолго време е повикан и Ендрик кој блеска во Лион каде игра како позајмен од Реал Мадрид.
„Вознемирен сум, тажен, затоа што не добив повик. Но фокусот останува ден за ден, тренинг по тренинг, натпревар по натпревар“, изјавил Нејмар. „Има уште еден, конечен список пред почетокот на Светското првенство, па сонот уште е жив“.

извор