- Јуниорската кошаркарска репрезентација на Македонија направи огромен успех откако на турнирот Еуробаскет У-18 организиран од ФИБА во Скопје победија 8 од 8 ривали и тоа со убедливи разлики.
- Селекторот на овие златни момци кои обезбедија пласман во елитен ранг, Горан Андреевски открива шокантни работи од позадина. Ги сместиле во катастрофален хотел со мизерни услови, играле во сала без климатизација во најголеми горештини летово, а притоа на селекторот му бил вршен притисок кое дете да игра, а кое не.
- „Најголеми притисоци имав од спортскиот директор на репрезентацијата Марјан Србиновски кој се мешаше буквално во сè. Од почеток имаше список со негова наредба за одредени деца да играат. Дури и ми се закануваше со зборовите „Дали сакаш да ти дојдам сега таму, па да видиш што ќе биде“ ако не игра тој и тој“, вели Горан Андреевски за самоволието на Марјан Србиновски.
- Босанско-херцеговскиот портал СОП.ба пишува а хрватски Вечерњи лист пренесува дека некогашниот алфа&омега на Динамо Загреб кој од „модрите“ направи шампионски хегемон кој долги години владее во Хрватска, сега после долга пауза од фудбалот, планира да се врати.
- Здравко Мамиќ наводно, пишуваат во БиХ, е сериозно заинтересиран за влез во ФК Сараево, еден од потрофејните клубови во Босна и Херцеговина.
- Сараево во моментов е на трето место во првенството на БиХ и држи позиција која води во квалификации за Лига на Конференции. Сараево во својата историја има четири шампионски титули во БиХ и пет Купа. Сезонава се на прагот на шести трофеј во Купот откако во првиот меч од финалето кое се игра со реванш го совладаа Широки Бријег со 4-0.
- Шпанска Марка пишува дека Реал Мадрид на 25-ти мај ќе заврши една од најуспешните етапи во историјата на клубот, онаа со Карло Анчелоти кој им донесе 3 пехари во Лига на шампиони, 3 трофеи од Светско клупско првенство, 3 Суперкупа на Европа, 2 шампионски титули во Ла Лига, 2 Кралски Купа и 2 шпански Суперкупа.
- На 25-ти мај и официјално Анчелоти ќе замине од Реал а на негово место доаѓа Чаби Алонсо. Актуелниот тренер на Баер Леверкузен наводно веќе потпишал договор а со него ќе дојдат и други членови на стручниот штаб како што е Алберто Енсинас, кондициониот тренер кој ќе го замени легендарниот Антонио Пинтус кој беше задолжен за физичка подготовка на играчите под Анчелоти и Зидан.
- Први претставени засилувања за Реал со Чаби Алонсо треба да бидат Трент Александар-Арнолд и стоперот Џонатан Та.
