Offside › Набрзинка

Црвена Ѕвезда доаѓа во Скопје на хуманитарен меч за Кочани

18 март 2025

„Како акт за помош на настраданите во огнената стихија во Кочани, генералниот директор на Црвена Ѕвезда, Звездан Терзиќ и извршниот директор на Вардар, Миленко Неделковски, се договорија двата клуба да одиграат хуманитарен натпревар во Скопје на 16 април.
Сите средства собрани од билети и спонзори ќе одат за семејствата на настраданите во огнениот пекол во Кочани. Натпреварот ќе се игра во ноќен термин под рефлектори“, стои во соопштението на ФК Вардар.
Инаку претходно, српските медиуми пренесоа дека Дарко Панчев разговарал со Звездан Терзиќ презентирајќи му ја идејата за одигрување хуманитарен натпревар која веднаш е прифатена од Терзиќ, а како посредник помогнал и Илија Најдоски.
За месец мај пак, во Скопје е можно е да се одигра и хуманитарен меч меѓу селекциите на Србија и Македонија.

извор

Државата им исплати 2,2 милиони евра на најдобрите клубови - најмногу добија Шкендија, Еурофарм Пелистер и МЗТ

7 април 2026

Како дел од стратегијата за развој на македонскиот спорт на Министерството за спорт, повеќе од 136 милиони денари или 2,2 милиони евра изминативе десетина дена легнаа на сметките на прволигашите во машка конкуренција во четирите најдобри екипни спортови во Македонија.
„Најмногу мустаќот го омастија“ ракометниот клуб Еурофарм Пелистер кој играше во ракометната Лига на шампиони и доби околу 120.000 евра од државата (7,4 милиони денари). РК Вардар 1961 доби околу 115.000 евра (7 милиони денари) а повеќе од 100.000 евра на сметка добија и РК Алкалоид и ГРК Охрид.
Кај фудбалерите тетовска Шкендија како претставник на европска сцена кој најправи најголем успех и како актуелен шампион на Македонија доби 81.000 евра (4,97 милиони денари), ФК Силекс доби 4,7 милиони денари, Работнички 4,4 милиони денари, ФК Струга 4,16 милиони денари, ФК Вардар 3,88 милиони денари (63.000 евра).
Кај кошаркарските клубови шампионот МЗТ Скопје Аеродром доби 4,4 милиони денари (72.000 евра), ТФТ доби 4,14 милиони, Куманово 3,86 милиони денари, Работникички 3,5 милиони денари.
Кај дамите ракометниот клуб ЖРК Ѓорче Петров доби 1,835 милиони денари, а фудбалскиот клуб ЖФК Љуботен 1,72 милиони денари.

извор

Конте му даде само 5 минути на Елмас па го испофали, а сака и да биде пак селектор

7 април 2026

Со голот на италијанскиот репрезентативец Матео Политано во 78' минута Наполи го совлада Милан 1-0 и го прескокна на 2. место на табелата во Серија А. Интер е прв со 72 бода, Наполи е втор со 65 бода, Милан е трет со 63 бода.
Тренерот на Наполитанците Антонио Конте после мечот задоволен од победата бил во добро расположение. Зборувал меѓудругото за Елмас на кого синоќа со Милан му даде само 5 минути од клупата за резерви а во претходно коло не го ни стави во игра откако се вратија повредените играчи како Де Брујне и другите.
„Задоволен сум од работата на поединци. Мислам тука на Елмас кој денес влезе на 5 минути пред крај и беше меѓу најдобрите поединци на мечот, но и на Маѕоки и Беукема. Неверојатно голема работа завршија“, рекол Конте.
Во италијанскиот печат на големо се зборува и дека тренерот на Наполи би можел да се врати на клупата на репрезентацијата на Италија наскоро. Дали паралелно со Наполи или самостојно останува да се види во јуни.
„Јас би се зел себеси во предвид да бев претседател на Фудбалската федерација на Италија. Сигурно меѓу другите имиња би го имал и Конте како кандидат поради многу мотиви. Го познавам амбиентот (во репрезентацијата), бев селектор две години. Голем мотив е да се претставува својата земја. Но знаете каква е мојата ситуација. Знаете дека имам договор. Знаете дека ќе зборувам со претседателот, знаете се“.

извор