Плејот на Кавалирс против тимот од Тексас синоќа не промаши ниту еден обид за три поени а шутираше седум пати и седум пати погоди тројка.
На 30 секунди пред крајот, Тони Паркер даде тројка и домашниот Сан Антонио имаше 6 поени предност. Тогаш на сцена стапи Кајри Ирвинг, кој уфрли две тројки, од кои последната беше во последните моменти за продолжение, а подоцна и победа.
Освен неверојатниот шут за три поени, Кајри ја заврши средбата со 20 погодоци од 32 обиди за два, а имаше и пет асистенции и три скока. Стандардно добар беше и Леброн Џејмс, кој уфрли 31 поен, седум асистенции и пет скокови.
Од друга страна, најефикасен кај Спарси беше Тони Паркер со 31 поен, шест скокови и пет асистенции. Кавај Ленард и Џералд Грин запишаа по 24 коша, а Тим Данкан повторно имаше дабл-дабл учинок со 18 поени и дури 11 скокови.
Кливленд со овој триумф стигнаа до учинокот од 42 победи и 25 порази, а Сан Антонио има 41-24. Синоќешниот пораз на Сан Антонио беше прв од Кливленд после март 2013 година.
Кајри Ирвинг полуде синоќа против САС:
Вашингтон Визардс умешно го искористи отсуството на Марк Гасол, Зак Рендолф и Мајк Конли (одмораа по одлука на тренерот) и на домашен паркет го совладаа Мемфис Гризлис 107:87. Тимот од главниот град продолжува со добрите игри пред плејофот и сега има 37 поеби и 28 порази.
Џон Вол со 21 поен, седум скокови и шест асистенции (8-11 од игра) беше главен во триумфот на Вашингтон, а Марчин Гортар стигна до 22 поени и девет скокови. Кај поразените Гризли, Џеф Грин и Џарнел Стоукс имаа по 13 поени.
Резултати:
Вашингтон – Мемфис 107-87
Јута – Хјустон 109-91
Индијана – Милвоки 109-103 (по продолжение)
Сан Антонио – Кливленд 125-128 (по продолжение)
ЛА лејкерс – Њујорк 94-101.
