ЛА Клиперс состави страшен тим со неколку мега ѕвезди како Кавај Ленард, Расел Вестбрук, Пол Џорџ и последно дојдениот Џејмс Харден. Тоа веќе им носи резултат и со 28 победи и 14 порази се при врвот од Западната конференција.
Во триумфот на Клиперс против Лејкерс во Крипто Арената најефикасни беа Кавај Ленард со 25 поени, 11 скока и 10 асистенции, Џејмс Харден со 23 поени и 10 асистенции, Теренс Ман и Норман Пауел имаа по 17 поени а Расел Вестбрук даде 16 поени со 6 скока и 3 асистенции.
Во еден момент Вестбрук остана без едната патика среде напад откако некој го нагазил, но мечот не се прекина, Расел ја фрли патиката надвор од теренот и погоди тројка.
Можеби негов најлуд поен од илјадници постигнати во долгата и богата кариера.
Russell Westbrook hits a three with one shoe on 😂🔥 pic.twitter.com/onSahPQtlw
— Ahn Fire Digital (@AhnFireDigital) January 24, 2024
Кај Лејкерс без нивниот лидер Леброн, најефикасни беа Д’Анџело Расел со 27 поени 10 асистенции и 5 скока Ентони Дејвис со 26 поени и 12 скока,, а Џаред Вандербит и Остин Ривс додадоа по 12 поени.
