Никола Јокиќ го разби Феникс, но шоуто го украде ќерка му

Со уште една фантастична партија, српскиот репрезентативец го разби силниот Феникс Санс во полуфинале на Западната конференција. Неговите Нагетс сега водат со убедливи 2-0 по триумфот 97:87 во кој Јокиќ постигна страшни 39 поени со 16 скока и пет асистенции, две украдени топки. Ама шоуто на крај ѝ припадна на ќерка му Огњена.

По крајот од дуелот, ќерка му на Јокиќ му покажуваше прст на кој носи прстен и тој одговори исто, симболично како шампионски прстен во НБА:

Nikola Jokic and his daughter shared a moment after Game 2, pointing to their ring finger ❤️ 💍 pic.twitter.com/XQWJrDHtuV
— Bleacher Report (@BleacherReport) May 2, 2023

За разлика од сите претходни натпревари кога имаше огромна поддршка од Џамал Мареј, овојпат таа му изостана. Плејот промаши дури 10 од 11 шута (0/7 за три) па Јокиќ играше практично сам.

Покрај Никола, двоцифрени кај Денвер беа уште и Гордон со 16 поени, Кентавиус Колдвек-Поуп со 14 поени и 5 скока и Џамал Мареј со 10 поени, 4 скока и 8 асистенции.

Серијата сега се сели во Феникс каде Нагетс ќе одат со 0-2 и ќе се обидат да направат брејк.