Младен Ѓуроски од Гостивар е поранешен кошаркар на КК Гостивар, МЗТ Скопје, Работнички, Борац Чачак, Хелиос, Сплит, Цибона и Арад од Романија.
Во последните години Ѓуроски важи за успешен бизнисмен а тој е идеен творец и на „Бизнис лигата“ во фудбал која долги години е мошне добро организирана. Во меѓувреме раководеше и со скијачка школа во Маврово а беше и раководно лице во КК Гостивар.
Зад кандидатурата на Ѓуроски сега веќе и официјално стојат 40 од вкупно 46 професионални клубови присутни на Собранието на КФМ.
Актуелниот претседател Перо Антиќ и неговите соработници од КФМ на Собранието тврделе дека иницијаторите за промени во КФМ немаат правен основ за изгласување ново раководоство.
Според поддржувачите на Ѓуроски само прашање на време е кога Младен ќе седне на челната фотеља во КФМ и дека опструкциите од актуелното раководство се минливи.
