Лука Дончиќ и Кајри Ирвинг одиграа нов спектакуларен меч во „Американ Ерлајнз центар“ во Далас. Ирвинг уфрли неверојатни 48 поени а Лука Дончиќ 35 поени со 11 асистенции и 9 скока.
Но херој на мечот беше Австралиецот од Мелбурн.
Доскорешниот кошаркар на белградски Партизан Данте Егзум го заврши мечот со 14 постигнати поени, 9 скока и две асистенции. Токму неговата тројка за продолженија во последна секунда на асистенција на Дончиќ ја распали салата:
DANTE EXUM TIES THE GAME AT 129 AND WE'RE HEADED TO OT IN DALLAS!
— NBA (@NBA) April 7, 2024
HOU-DAL | Live on the NBA App
📲 https://t.co/2p0yonJqqi pic.twitter.com/WxVYF5BUDP
Во продолженијата Далас го скрши отпорот на големиот ривал Хјустон и славеше заслужена победа. Кај „ракетите“ најефикасни беа Дилон Брукс со 29 поени, Валвит со 24 поени и 12 асистенции а Џејлен Грин додаде 21 поен и 8 асистенции.
После мечот јунакот на триумфот на Далас на новинарски прашања за амтосферата во салата во Далас, општо во САД и во Србија рекол:
„Србија е потполно друг ѕвер. Без критики на сметка на навивачите на Далас, и тие се супер, но во Србија е поинаку. Пеење и славење. Луѓето кои водат навивање и не ни го гледаат натпреварот зошто се трудат сите да навиваат. Денес беше гласно, но Србија е нешто потполно поинаку.
Кога играте за Партизан и влегувате во салата на Звезда „Пионир“, тоа е многу тешко. Игравме серија од пет меча, две кај нив навистина тешка атмосфера! Како и навивачите да беа на терен со нив. Мислам дека атмосферата во плејофот во НБА не може ниту да се приближи до тоа, но тоа во Србија дефинитивно добро ме исчеличи“.
