Лекција од Јокиќ за Спарс - 42 поени со три забивања

Денвер Нагетс со 110-105 го совлада Сан Антонио Спарс на свој терен а одново доминантна фигура во тимот на шампионот беше нивниот лидер Никола Јокиќ.

Двократниот МВП на НБА лигата постигна дури 42 поени (18/32 од игра) со 16 скока и шест асистенции и демонстрираше сила над фаворитот за наградата руки на годината - високиот Французин Виктор Вембанјама.

Интересно, Јокиќ дури три пати заби на овој меч што е права реткост во неговата игра, а тоа го стори за да ја пробие одбраната на Вембанјама.

Двајцата имаа и дуел еден-на-еден во неколку наврати а Јокиќ доби и неколку блокади.

„Вечерва имаше (Вембанјама) околу 600 блокади но ние победивме“, се насмеал Јокиќ на крајот од мечот.

Покрај Никола, одличен настап имаа и Арон Гордон со 23 поени и Мајкл Портер со 15 поени. Кај Спарси дури седум играчи беа двоцифрени. Вембанјама уфрли 23 поени со 15 скока, осум асистенции и дури девет блокади, а Малаки Бренам стигна до 24 поени.

Нагетс е прв со меч повеќе од Минесота Тимбервулвс. Денвер има 53 победи и 23 порази.

3 април 2024 - 09:00

Штета ако сте пропуштиле

Патлиџанот е христијански

Стандарден скопски поглед

Кој е најдобриот бенд во живо во светот

Прибидејќи растена на Касандра, го побара Стево за татко