Јокиќ: „Се допишував со Дончиќ, тоа е, никој не е сигурен“

Никола Јокиќ одговорил на новинарско прашање за големата и неверојатна трампа на Лука Дончиќ од Далас во ЛА Лејкерс.

Како гром од ведро небо одекна веста дека Далас Маверикс изненадно и неочекувано решил да го трампа Лука Дончиќ во ЛА Лејкерс.

Таа вест ги изненади и самите играчи во НБА.

„Се допишував со него (со Дончиќ), тој не го очекувал тоа секако... Мислам дека сега мора да биде само со семејството, голем трансфер е тоа. Тоа е бизнис, никој тоа не го очекувал, посебно не тој. Никој не е сигурен во лигата, но мислам дека ќе направи добра работа. Тој е играч за голема сцена, имаше во Далас нешто посебно но...“, рекол Јокиќ после победата на Денвер Нагетс над Њу Орлеанс Пеликанс во која забележа нов трипл-дабл учинок.

Лука Дончиќ во моментов е отсутен од паркетот поради повреда, а се очекува да се врати на терен за неколку недели кога ќе дебитира за новиот тим, ЛА Лејкерс чии навивачи едвај чекаат да го видат во жолтиот дрес.

Nikola Jokic says he texted with Luka Doncic after the trade to the Lakers:

"I think nobody is safe in the league." pic.twitter.com/vmzyWs8QYA
— DNVR Nuggets (@DNVR_Nuggets) February 4, 2025