Јанис го разби Денвер па го закачна и судијата со пешкир

Милвоки Бакс ја забележа и 35-та победа во сезоната и со 17 порази е на високото трето место во источната конференција во НБА. Шампионот од 2021-ва синоќа го совлада Денвер на Никола Јокиќ со 112-95, а Јанис Антетокумбо имаше луд меч со 36 поени, 18 скока (најмногу сезонава), 5 асистенции, 3 украдени топки и 2 блокади. Покрај него голем удел остварија уште и Дамијан Лилард со 18 поени и Боби Портис Џр со 13 поени. Кај Нагетс Јокиќ блескаше со 29 поени, 12 скока и 8 асистенции но немаше баш никаква поддршка од соиграчите.