Никола Јокиќ стигна до 181. трипл-дабл во кариерата и се израмни со Оскар Робертсон кој е на второ место на вечната листа. Сега пред Србинот на вечната листа е само Расел Вестбрук кој е прв со 207 трипл-дабл учиноци во кариерата. Вестбрук е сè уште активен кошаркар и сезонава забележа неколку трипл-даблови.
На Јокиќ за 181 трипл-дабл му требаше 781 натпревар а на Оскар Робертсон 1.039 натпревари за истиот учинок. Јокиќ синоќа имаше шут за три и победа во последната секунда од основниот дел но топката заигра по обрачот и излезе. Крис Браун во првото продолжение го спаси Денвер Нагетс со две погодени слободни фрлања но во второто продолжение немаа спас од луцидниот Брансон кој одигра маестрален дуел за нов триумф на Никс.
Тренерот на Денвер, Дејвид Аделман после мечот изјави дека е неверојатно достигнувањето на Јокиќ кој го надмина и легендарниот Оскар Робертсон кој играл на времето уште со татко му.
Nikola Jokic is now tied with Oscar Robertson in all-time triple-doubles.
— StatMuse (@statmuse) February 5, 2026
Only Russell Westbrook has more. pic.twitter.com/wGKNKQYGlE
Синоќа во поразот на неговиот Денвер Нагетс од Њујорк Никс, Сомборецот запиша 30 поени, 14 скока и 10 асистенции. Поефикасен од него беше фантастичниот Џамал Мареј со 39 поени.
Кај побединкот прв стрелец и најефикасен на мечот беше Џален Брансон со 42 поени, 8 скока и 9 асистенции.
Покрај Брансон огромен придонес во победата на Њујорк Никс имаа и Карл-Ентони Таунс со 24 поени и 12 скока, Ануноби со 20 поени, Шемет со 16, Кларксон со 11 а Робинсон со 10 поени.
Ова е трет последователен пораз во серија на Денвер што првпат им се случило сезонава.
