Покрај него Тајрис Макси додаде 26 а Тобајас Харис 18 поени. Кај Селтикс Џејсон Тејтум запиша 29 поени со 11 скока, Џејлен Браун 23 поени а Малколм Брогдон 20.
Дуелот Бостон - Филаделфија беше во резултатски егал речиси од почеток до крај кога Харден реши да ја преземе работата во свои раце и покаже зошто е меѓу Топ5 играчи во НБА во последните неколку сезони. Харден ја уфрли и решавачката тројка на 8,7 секунди пред крај кога се одлучи победникот.
Вториот натпревар меѓу овие два тима се игра во ноќта меѓу среда и четврток а Бостон пак ќе игра пред своја публика, пред серијата да замине за Филадефлија.
Жоел Ембид се повреди уште на 3-от натпревар од претходната плејоф рунда против Бруклин Нетс и за очекување е наскоро да се врати во погон.
