ПСВ смислил добра финта како да избегне огномет пред хотел сред ноќ

Никој не може со сигурност да тврди од каде проистекна таа „пракса“ домашни навивачи среде длабока ноќ да се прикрадат околу хотелот каде спие гостинската екипа вечер пред натпреварот, ама факт е дека се користи сè повеќе ширум Европа. Епа од ПСВ Ајднховен нашле фора како да избегнат.

Навивачите на Галатасарај ноќта меѓу среда и четврток со долготраен огномет ги буделе играчите на Барселона ама тоа не им заврши голема работа зошто Каталонците славеа 1:2 и одат понатаму.

А ПСВ Ајндховен на гостувањето кај Копенхаген смислил добра финта. Марио Геце ја откри: „Го паркиравме автобусот пред друг хотел и спиевме како бебиња“.

'We placed the bus at another hotel' 🤣#FCKPSV #UECL
— PSV (@PSV) March 17, 2022

ПСВ со 0-4 го декласираше Копенхаген и со вкупни 8-4 (првиот меч во Ајндховен заврши 4-4) оди во четвртфинале на Лига Конференции.

Но ако играчите безбедно и мирно го одработија гостувањето во Копенхаген, тоа не може да се случи за навивачите на ПСВ чии автобуси биле каменувани и скоро сите стакла искршени, па за Холандија се враќале со лепенки врз прозорите.