Дури 20 гола паднаа на 5 натпревари во терминот од 21 часот во Лига Европа. Олимпијакос и Бешикташ ќе решаваат во Истанбул, а Лион во судиското продолжение со евроголот на Лаказет ја совлада Рома.

Во првиот дуел од осминафиналето на Лига Европа, Манчестер поведе преку Михтарјан по одличната асистенција на Ибрахимовиќ, а Букаров израмни на 1-1 по што Русите имаа и шанси за комплетен пресврт на средбата која се играше на најлошиот терен во Лига Европа.

Словенечки пилот на авиокомпанијата Визер на летот од Мадрид до Будимпешта околу 23 часот се обратил до контролата на летање со необично прашање - што направи Барселона против ПСЖ?

Вчерашната инфаркт завршница меѓу Барселона и ПСЖ не е единствен пресврт во историјата на фудбалот. Ретко кој ќе го заборави Солскјер и ’99-та или Депортиво и Ливерпул против Милан.

На денот на својот 109-ти роденден Интер прима честитки од поранешни и сегашни фудбалери, од градоначалникот на Милано и од синот на газдата.

Продолжува слободниот пад на македонската фудбалска репрезентација која што по најновата ранг листа на ФИФА се најде на 166. место.

Иако сакале да ги избегнат бесните ултраси па слетале на помалиот париски аеродром Ла Бужре, фудбалерите на ПСЖ биле пресретнати од 30-ина навивачи кои ги опколувале нивните коли. Во еден момент Тиаго Мота удрил со кола некој навивач кој бил префрлен во болницата во Сен Дени, а оштетена била колата на Маркињос.

Лукас Леива и бекот Морено добија задача од клупскиот тв канал алтернативно да го пренесуваат дуелот Ливерпул - Тотенхем 2:0. И не беа така лоши.

Од мал бил атипичен лидер, не викал многу, бил скромен и најдобар во секое хоби со кое се занимавал. А скокал во далечина, фрлал копје, играл пинг-понг, кошарка и ракомет. Кога стигнал факс од Реал Мадрид неговите побарале време да размислат. А тогаш стигнал факс од Камп Ноу.

Лудоста која Барселона ја приреди синоќа против ПСЖ влегува во категоријата најдобри дуели во историјата на екипните спортови. Драмата на крај ќе биде добра подлога за некој иден игран филм.

Фудбалерите на Барселона ги поместија границите во фудбалот и испишаа историја откако го потопија ПСЖ со 6:1. Кам бек кој не се случил до сега во ЛШ. Јунаците на Луис Енрике им ги затнаа устите на сите критичари за оној дебакл од 4:0 во Париз. Нејмар погоди во 88-ма и 90-та, Сержи Роберто во 95-та. На другиот дуел Милионерите броеа до четири.

Муабетот е за првиот дуел кој се одигра на 14 февруари, ама совршено одговара и за денес.

На денешниот тренинг на Јунајтед пред утрешниот меч со Ростов во Лига Европа (19:00), Маркус Рохо и Андер Ерера ја тапкаа топката за да видат до која мера теренот е нерамен.

Иако имаат доминантна улога во светот на фудбалот, на Каталонците само неколку пати во историјата им успеала фамозната remontada, пресврт во реваншот по убедливо загубен прв натпревар.

Фудбалерите на Реал Мадрид често пати се случува први да примат гол и потоа да се вадат, а прашање е дали ќе се вадеа ако го немаа капитенот кој царува во шеснаесетникот кога треба да се скока на корнер. Не за џабе го викаат “todo terreno“.

Животот во Шапекоенсе полека се враќа во нормален колосек. Тоа го покажаа во Венецуела каде победија 1-2 и ги освоија првите бодови во најсилниот турнир во Јужна Америка.

Едно од осминафиналињата во сезоната 2004/2005 во ЛШ беше она меѓу Барселона и Челси по кое Сините отидоа понатаму со вкупни 5:4. Но зарем може некој да го заборави ова ремек дело на Роналдињо кој играше самба на Стемфорд Бриџ. Се случи на денешен ден.

Прво ќе ви кажеме дека дечково пред да дојде во Ливерпул, одигра само две сезони во Премиер лига од вкупно девет во англискиот фудбал. Во јули 2014-та Ливерпул го купува од Саутемптон за 25 милиони фунти и добива човек кој го има секаде на терен.

Јас сум апсолутно револтиран и жал ми е за луѓето кои дале многу пари за да го гледаат овој натпревар, изјави предводникот на Топџиите од кои цела Англија бара да си поднесе оставка откако врза седум лузерски осминафиналиња во ЛШ.

Картите за синоќешниот меч Арсенал - Баерн Минхен биле по 75 фунти, а ништо поевтини не биле ниту влезниците за гостите поради што Баварците извадија неколку банери и фрлаа тоалетна хартија на теренот во знак на протест. Судијата на кратко го прекина мечот за да се исчисти теренот па играта продолжи.

Матуиди, Верати, Јулијан Дракслер и Томас Муние гостуваа во емисијата СуперКлуб каде јавни фаци доаѓаат на вечера и муабет, и дискутираа како да ја амортизираат Барселона вечерва на преполниот Камп Ноу.

Топџиите со вкупни 2:10 и Наполитанците со 2:6 се збогуваат од нокаут фазата во Лигата на шампионите. Баерн Минхен и Реал Мадрид покажаа светска класа и во топ 8 од најелитното клупско европско натпреварување одат со нови победи и тоа идентични од првите средби.

И сега се прашувате што бараат овие “чесни“ момци заедно во наслов. Гол.ком направи листа на топ 20 најконтроверзни претседатели во фудбалот. Друштвото е “ултра скромно“, а од нив дури седуммина се Италијанци.