Колку треба да е слеп човек за да не помисли дека мечов е штелуван? Се работи за екстремно лудачки автогол кој падна во 87-ма минута во украинската втора лига и единствен гол на средбата. Екипите се на средина од табелата. Полиција дали се слушаме?
Златната генерација на Јувентус не успеа да врзе 2-3 титули на самиот старт од овој милениум, а имаше состав за такво нешто. Колку само интелигентни играчи имаше во тој состав подоцна предводен од интелигентниот Марчело Липи, потврдува фактот што пола од нив сега делат памет.
„Со задоволство го менувам дресот со секој, тоа е знак на почит. Се сеќавам еднаш кога бев мал и кога замолив еден играч да ми го даде дресот, тој ме одби. Тоа многу ме погоди, така што тогаш одлучив дека ако станам голем играч, ќе ми биде срам ако така се однесувам“, изјави Буфон по мечот со Монако и не откри кој бил тој играч.
На многу клубови во Ла Лига летово им претстои ремонт во играчкиот, но и во тренерскиот кадар. Главен кандидат за нов тренер на Барселона е Ернесто Валверде од Атлетик кој би можел да направи тотален домино ефект во цела лига.
Да, и ние искрено би сакале на „Градски“ во дуел за Супер Купот да пристигне Манчестер Јунајтед, гигант кој којзнае кога би го гледале во живо. Но така не мислат и децата на Ајакс Амстердам кои го преслушаа Лион и се цврсто решени да ја освојат Лига Европа.
Јувентус стигна до 600 минути без да прими гол во Лига на шампиони. Една од главните причини за тоа е што го имаат Џиџи Буфон, еден и единствен кој како старее така му расте формата. 100 одиграни средби за Јуве во ЛШ, 60 од нив без примен гол. Како ли ќе се навикнат навивачите да го гледаат Јувентус без него.
Ако по извлекувањето на ждребот во Нион, Реал Мадрид и Јувентус ја имаа фаворитската улога за пласман во финалето од ЛШ во Кардиф, тоа се потврди и на терен. По победата на Кралевите во градското дерби, италијанскиот првак демонстрираше сила, моќ и искуство во Монако.
Барнс, Карбоне, Колимор, Гудјонсен, Делап, Крауч, Амир Заки, Руни, Керол, Бентеке се само некои од играчите кои постигнаа сензационални голови со ножички во Премиер лигата. Мерак за очи.
Се сретнаа пред точно 19 години во сезоната 1997/1998. Монако заслужено стигна до полуфиналето со некои нови клинци кои подоцна Франција ја направија светски и европски првак. Искусниот Јувентус под водство на Липи се бореше за трето финале во низа.
Килијан Мбапе, наследникот на легендарниот Тиери Анри има толку сличности со неговиот идол поради што навивачите на Монако веруваат дека вечерва ќе се повтори она што го направи легендарниот „Тити“ пред 19 години против Јувентус.
Во океанот статистики, рекорди, чуда и врагови на Кристијано Роналдо и Реал, ретко кој помислува на клучниот архитект на успесите на Кралскиот клуб. Човекот кој на тренинг доаѓал со Цитроен Ксара од татко му и не можел да му прости на Мурињо што не го играл.
Вчера, на 2-ри мај, легендарниот англиски репрезентативец и фудбалер на Манчестер Јунајтед, Реал Мадрид, Милан и Пари Сен Жермен го прослави својот 42. роденден. Ред е да се потсетиме на најдобрите моменти од неговата кариера.
Фудбалерите на Локомотива Москва го совладаа Урал со 2:0 и го освоија рускиот Куп и ќе играат во Европа после речиси една деценија. На крајот од дуелот имаше голема тепачка меѓу играчите и четворица добија црвен картон.
Само еден хет-трик е доволен за најдобриот фудбалер во светот според ФИФА да ги остави неспиени статистичарите. По синоќешното мадридско полуфинале во ЛШ вака изгледаат бројките и рекордите поврзани со Реал и Роналдо.
Серхио Рамос не за џабе има 22 црвени картони во кариерата. Да беа судиите повнимателни вечерва ќе го добиеше и 23-от и ќе го испуштеше реваншот од полуфиналето во ЛШ. Не бива ова.
Кристијано Роналдо вечерва стигна до погодок број 400 за Реал Мадрид и според сè што има направено за клубот сигурно дека не заслужува да му свират. Но и покрај тоа, глупаво е тој лично да ги подучува како што правеше вечерва против Атлетико, навивачите сами треба да сфатат дека грешат.
Со вториот хет-трик оваа сезона во Лигата на шампионите и вкупно 47-ми во цела кариера, најдобриот играч според ФИФА, Кристијано Роналдо го тресна градскиот ривал во полуфиналето од најелитното клупско европско натпреварување.
Погледнете колку пари потрошија екипиве во последниве две сезони, особено двете од Манчестер и направете споредба со Тотенхем. Имаат и најмногу победи и најмногу постигнати голови, а најмалку порази и најмалку примени голови. Чист пример дека не е сè во парите.
Си возат шева без топката да падне: Во средина се Варан и Матео Ковачиќ и кога после десетина додавања не можеа да ја фатат, на крај очекувано јаделе ластици.
Телевизискиот канал ХиспанТВ направил репортажа со Реза Парастеш од Иран за кој се верува дека најмногу наликува на Меси. Откако пуштил брада уште повеќе личи на 10-та на Барса. А личат стварно како две капки поради што на Иранецов му барале автограми и сакале да се сликаат со него.
