Нема потреба Русите повеќе да зборуваат за гол на сезоната, бидејќи секој гол после оваа мајсторија е навреда ако го прогласат. Им се случи во втора лига од страна на извезен Сергеев. Па како само го изведе ова не ни е јасно? Кај потегот, па уште и безобразно лобче му стегна на голманот.

Иако на прва погледот мора да се признае дека не му изгледа баш пријатен, не за џабе имаше потреба два пати да го повика, сепак идејата скроз надвладеа било каков сомнеж дека можеби малиот ќе попие шамар. УЕФА за играч на Супер купот го прогласи Садио Мане кој постигна два гола. Со се гестов исто како хет-трик да постигнал.

Ај да не ве замараме со глупи прашања од типот, погодете кој е фудбалерот на Челси на кој му ѕирка само раката, туку да одиме на главната поента. Кој го пуштил Канте да го чува Ван Дајк на корнер?

Нема да се вратат на истиот стадион, бидејќи тогаш играа на Олимпискиот, а сега на Водафоун каде игра Бешикташ, но како и да е, овој град на навивачите на Ливерпул им вади од меморија неверојатни сцени кои само фудбалот може да ги изрежира. Ливерпул - Милан 0:3 на полувреме, 3:3 на крај и освојувач на ЛШ Ливерпул на пенали.

Кога на клубот не му текнува, тогаш навивачите ќе се ангажираат за да испочитуваат една многу добро познава нивна легенда, а покрај тоа ќе смислат уште нешто плус. Првото заслужено, второто многу корисно. Браво.

Извесен Андерсон Диаз од Колумбија нема насит кога ќе фати да дрибла. Кога тргнал да прави слалом, овие од клупа избегале во соблекувална исплашени да не земе и нив да ги ора.

Копенхаген и Црвена Ѕвезда одиграа два квалификациски меча за ЛШ кои завршија 1:1. Синоќа во Данска беше циркуз за сите пари. Шутираа 22 пенали, утнаа девет (пет завршија на трибина) бидејќи белата точка беше како бавча. Херој е Милан Борјан кој фати три пенали, даде еден и ја однесе Ѕвезда во плејоф.

Аргентинците со душа го чекаа првиот настап на Даниеле Де Роси за Бока Јуниорс и измонтираа видео само со него. Италијанскиот ветеран даде и гол, ама резултатот ич не му се посреќи. Ова беше куп натпревар на кој Бока е елиминирана од Алмагро на пенали.

На македонскиот репрезентативец му беа потребни само 15 минути да го отвори резултатот на гостувањето против Ференцварош во квалификациите за ЛШ. Знаеме дека е играч од среден ред, ама кога ќе влезе во шеснаесетник се однесува како Луис Суарез.

По одморот кој му следуваше подоцна поради настапите на Копа Америка, Лионел Меси се појави во базата на Барселона на 5 август, но се повреди уште на првиот тренинг. Додека неговите колеги се на подготовки во САД, тој прави внимателни вежби за да го врати повредениот мускул на највисок левел.

Со освојувањето на Супер купот на Англија пред 10 дена, Пеп Гвардиола стигна до 28 трофеи за само 10 години тренерска кариера. Импресивно достигнување, но до некаде и логично кога ќе се пресмета колку многу пари вложиле за играчи, клубовите кои ги тренирал.

Голманот и дефанзивецот два дена не прават муабет со никој.

Каква ќе биде Барселона сезонава со староседелците Меси, Суарез, Дембеле, Кутињо и новите Гризман и Де Јонг ќе видиме уште од петок кога ја стартуваат сезоната со гостување во Билбао. Инаку играа уште една пријателска со Наполи на која повторно Елмас одигра едно полувреме. Ги растурија 4:0.

Има заразени и заразени луѓе со фудбал, а на овие вториве не им е доволно само да го гледаат. Тие собираат сликички и полнат тефтери, па фиоките денеска им се едно убаво потсетување на детството кога немавме интернет или уште беше на почеток.

Често знаеше Алегри минатата сезона кога ќе прави измена да го стави во игра Даглас Коста. Кога на клупа држиш таква класа на играч, тогаш што е со првотимците. Уствари дечково кај е за на клупа. Погледнете ја оваа техника и брзина. Ќе ти го земе паметот.

Колку и да копаме низ историјата џабе. Нема и не ќе се роди полош и поаматерски од овој на Марио Балотели пред осум години кога играше за Сити. Публика му свири, Џеко му се чуди, а Манчини во истиот момент го направи вистинскиот потег. Го извади од игра без око да му трепне, а овој па уште му се буни, демек што направил лошо.

Сваровски Тирол и Сент Полтен го заокружија третото коло од австриската прва лига со резултатот 1:1. Гостите израмнија преку Михаел Амбихл кој уште на старт постави високи стандарди во прогласувањето на гол на сезоната.

Македонскиот голгетер Илија Несторовски одлично ја темпира формата пред стартот на Серија А која почнува на 24 август. Удинезе го совлада нисколигашот Сан Луиџи со 9:2, а Иле погоди во 30-та и 34-та минута.

Само пет дена откако пишавме дека се најмодерен македонски клуб во однос на тоа како се работи на интернет, само уште еднаш ни ја потврдија перцепција за нив. Друг клуб не ни излегува со вакви податоци за сопствената промоција.

Плукаше по судии, па го казнија, па се повреди, па излезе видео од хотелска соба како се тепа со старлета (она го мава) која инаку го обвини дека ја силувал, па каснеше во Париз на подготовки за да се види дека се зеза по плажи. Човеков е тешка гњаважа, а зборот „професионалност“ кај него повеќе не постои. Сега го поврзуваат со заминување не само во Барса, туку и во Реал.

Видеово е старо од 2010-та, ама епско за азискиот фудбал и младинските мундијали. Ја имаме Куми Јокохама од Јапонија на која се обидува да и ја земе пола селекција на Северна Кореја. Се работи за светско првенство за фудбалерки до 17 години. Ги изора како нива.

Откако паузираше цела година од тренирање, Жозе Мурињо нема тренерски ангажман ниту оваа сезона, но затоа почна да работи како стручен коментатор за Скај Спортс. Деби за анализа му беше Манчестер Јунајтед - Челси, по што Гери Линекер се отвори со јак штос.

Иако Атлетико не важеше за клуб кој фука по толку многу пари за еден играч, сепак Жоао Феликс им е исклучок вреден 120 милиони евра од редовите на Бенфика. Детево, родено 99-та, има страшен голгетерски инстинкт. На Јуве му даде два комада за 9 минути. И двата јаки голови на прва.

Не се сеќаваме да сме виделе голман да ја рогне и потоа да легне на земја со грч на лицето. Но да не јадеме гурабии, Клоп веќе даде изјава дека Алисон Бекер го изнеле со количка и дека не изгледал добро. Дали е истегнување или нешто друго, ќе кажат лекарите.