Барса ја совлада Севиља откако после почетниот притисок домаќинот се ослободи и во рок од 20-ина минути постигна три гола. Суарез со ножички, Видал после интересна комбинација, Дембеле од лево крило со десна во подалечниот агол, а Меси од слободен го затвори мечот.

Како што пренесуваат шпанските медиуми, домот на Томас Парти од Атлетико Мадрид по втор пат бил провален и фудбалерот ограбен во само една недела. Парти е којзнае кој фудбалер по ред на кого му го пљачкаат домот.

Обично е тивок на зборови и ретко го гледаме да влегува во конфликт со судии. Но на крајот од мечот против Севиља, Меси имаше обид да го оправда Осман Дембеле за црвениот картон на начин кој нема шанси да му пројде ни во трета лига.

Со оглед на тоа каков избор имаат на клупа, не знаеш од кого повеќе да се плашиш, дали од нив или од тие што ќе истрчаат први. Синоќа на Сан Сиро, Сари во второ ги внесе Игуаин и Бентакур кои со една акција ја украдоа сцената.

Вест Хем поведе со 1-0 и за очекување беше да ги освои трите бода, но Кристал Палас направи целосен пресврт и со голот на Џордан Ајо (се прегледуваше на ВАР) ги однесе бодовите дома. Стариот волк Рој Хоџсон имаше интересен израз на лицето пред, за време и по прегледувањето на ВАР.

Навиваш за Вест Хем и водиш 1:0 против Кристал Палас. Прво ти израмнуваат, а потоа во 87-ма минута додека дуваш торта, се вртиш да видиш што одлучила технологијата за спорниот гол на гостите.

Во дербито на колото во шпанската Ла Лига, Барселона на „Камп Ноу“ со 4-0 ја размонтира Севиља и стигна до 2. место на табелата, зад вечниот ривал Реал Мадрид.

Откако собра 4 жолти картони во досегашниот тек од првенството (за пет добиени се пропушта еден меч поради суспензија), Жерар Пике реши во самиот финиш од мечот со Севиља да ја рогне топката намерно, со цел да го испровоцира судијата Мигел Лахоз да му покаже „жолта карта“ со која што ќе го пропушти мечот со Еибар, па ќе ја исчисти суспензијата за Ел Класико (26 октомври, Камп Ноу).

На фудбалските терени сме виделе кучиња, мачки, лисици, зајци, па и вол. Ама досега не паметиме рој пчели (или оси) да го прекинат мечот. И тоа не кој било, туку Сао Пауло - Форталеза од бразилската најдобра лига. Лидерот на домаќинот, легендата Даниел Алвеш не можеше да центрира зошто го нападнаа пчели.

Имаше Интер 6/6 во Серија А, пред да дојде актуелниот шампион и со 1-2 да триумфира пред повеќе од 60.000 луѓе на „Џузепе Меаца“. Резултатот го отвори Дибала, израмни Лаутаро од пенал, за Игуаин кој влезе од клупата да го реши мечот.

Се вика Алесио Сабионе, игра во одбрана за Бари и не дава топката да мине половина. Плус он има посебна способност за расчистување опасност која изгледа вака.

Кога во присуство на Ибрахимовиќ во МЛС ќе постигне 34 гола, тоа значи дека Мексиканецот Вела не само што поставил нов рекорд, туку и дека ќе ја освои Златната копачка за најдобар стрелец во Америка. Карлос имаше хет-трик синоќа во триумфот на Лос Анџелес против Колорадо. 34 гола на 30 меча. Погледнете му го голот со ножички.

Фудбалерите на Висла Краков одиграа толку јака тики така што успеаа да му ја сокријат топката на противникот. Што не им ја земете да ве видам.

Шест кратниот освојувач на признанието на ФИФА за играч број 1 во светот, синоќа за малку не го постигна еден од најубавите голови во кариерата од индивидуална акција. Нема кога ќе тргне ко јапонска локомотива е. И не само тоа, синоќа против Севиља ја прекина серијата без гол како што е редот, со велемајсторија.

Сите бабури што ги јаде додека дава изјави откако игра во МЛС си ги оправдува на терен. Не знаеш што да очекуваш кога ќе прими топка и на 20 метри од гол и џабе е и да го удвојуваш. Погледнете го доктор Златан Ибрахимовиќ што работи на полни 38 години.

Агонијата на Манчестер Јунајтед продолжува и со 11-то гостување по ред без победа на сите натпреварувања. Овој пат загубија од Њукасл со 1:0 и сега се 12-ти со 9 бода по 8 кола. Нивниот старт сезонава најдобро се опишува со потегов на Фред. На Переира не му се веруваше што гледа.

Не е никаков проблем што не му оди на Меси со голови, кога Барселона има ваков Суарез. После пресвртот над Интер, продолжува со евроголови и против Севиља која за 8 минути попи три парчива во прво. Одиме со акбробацијата број 1 за овој викенд. Во стилот на Пеле или Марко Ван Бастен, како сакате.

Во натпревар со 6 гола, екипата која од скоро ја води Диего Марадона, Химнасија Ла Плата ја прослави првата победа сезонава, 2-4 на гости против Годој Круз. Марадона знаеше како да го прослави триумфот.

Втор натпревар по ред репрезентативецот на Македонија Езџјан Алиоски ја тресе мрежата во дресот на Лидс Јунајтед, кој денес за жал изгуби кај ривалот Милвол 2-1. Алиоски постигна гол на само 20 секунди од почетокот на вториот дел. Ова е трет гол сезонава за Езџјан со што покажува дека е во одлична форма пред продолжение од квалификациите за Европско 2020.

Италијански нисколигашки фудбал каде срцката сигурно е црвена од овој убав комплимент од трибина кој на италијански оди вака: Guardalinee, guardalinee, la senti questa voce, la senti questa voce: Sei bellissimaaaaaaaa, sei bellissimaaaaaa.

На мечот ЦСКА Москва - Еспањол (0:2) во Лига Европа, најпопуларниот кинески фудбалер во моментов Ву Леи влезе во историјата како прв фудбалер од оваа земја кој ја затресол мрежата во некое европско натпреварување.

Австријците имаа тешко гостување во второто коло од ЛШ, но затоа му покажаа на европскиот првак дека не се дојдени во Англија како туристи. Добро, им требаше некој да им згрми јако, за да разберат дека никој не е непобедлив.

Сер Алекс Фергусон си замина од тренерското столче во 2013-та. Потоа седнаа Мојс, Гигс, Ван Гал, Мурињо, Солскјер и никој не успеа барем да го доближи клубот до нивото на кое што беше. 30 години не биле вака очајни, а имаат пари.

Федерико Балѕарети, некогашниот бек на италијанската репрезентација кој играше во Јувентус, Фиорентина, Палермо и Рома откри еден јак момент кога Ибра му бил соиграч во Јуве.