Фудбалерите на Сутјеска до Никшиќ со 0-1 го совладаа ривалот Будуќност на гости во Подгорица. Единствениот погодок беше автогол на Недељко Пишчевиќ во 62' минута.

Лугано го совлада Базел со 3:1 во 3. коло од швајцарското првенство. Алиоски влезе во 56 минута, а голот на мечот и колото го постигнаа гостите преку Албиан Ајети. Направи јак „Ибра потег“, после многу среќна и случајна асистенција.

Во отсуство на Меси кој закрепнува од повреда, Луис Суарез пробува да го води Интер Мајами ама слабо им оди. Во МЛС лига синоќа Орландо Сити ги развали со 4-1. Суарез одигра слаб меч ама имаше супер обид точно од пола терен.

На дуел од трета унгарска лига меѓу МТК ИЛ и Пенѕуѓер фудбалер на гостите од фер-плеј ја враќа топката од аут накај голман за да продолжи натпреварот после прекин. Ама голманот прима гол и судијата го признава.

Сантос полека влезе во форма и врза две победи. Нејмар игра се подобро и е спремен да добие повик од селекторот на Бразил Карло Анчелоти.

Турците ја стартуваа новата сезона. Највисокиот триумф го забележа Коњаспор на гости против Ејуп од 1:4. Енис Барди дебитираше со гол од пенал. Душмански го изведе.

Барселона го декласираше Комо со 5:0 во купот „Жоан Гампер“, пријателски турнир кој се игра секоја година од 1966-та во чест на легендарниот претседател и основач на Барселона, Жоан Гампер. По два гола дадоа Фермин Лопез и Ламин Јамал и еден Рафиња. Маркус Рашфорд имаше необјасниво промашување на неговиот прв настап пред навивачите на Барса.

19-годишниот крилен напаѓач кој летово од Работнички премина во градскиот ривал Вардар, имаше деби од соништата за црвено-црните. На дербито против Пелистер во петокот вечер Димитар Данев постигна два прекрасни гола, по еден во двата дела. Убав погодок даде и Бразилецот Мато.

На дуелот Круз Азул од Мексико и Колорадо од САД кој завршил 2-2, домашниот играч Валтер Дита постигнал чуден гол кој подоцна официјалните лица му го препишале како автогол на Вејн Фредрик во 43' минута. Мексиканците на крај победиле 5-4 на пенали и одат во четвртфинале на Лига Купот за Централна и Северна Америка.

Моизес Каиседо, Марк Кукуреља, Роберт Санчез и Жоао Педро се само некои од играчите за кои Челси на Брајтон му плати стотици милиони фунти. Еден постар новинар го прашува извршниот директор на „галебите“ Пол Барбер зошто ги продаваат најдобрите играчи и тоа само во Челси.

Саудискиот Ал Наср се наоѓа на подготовки во Европа каде игра пријателски средби. Синоќа изненадно и неочекувано со 4-0 го торпедираше Рио Аве, клуб од татковината на Кристијано Роналдо кој постигна хет-трик. Мечот се играше во Португалија.

На првиот натпревар од 3. квалификациско коло за Лига на шампиони меѓу Каират од Казахстан и Слован Братислава од Словачка, домаќините добиле пенал во 90' минута при резултат 0-0. Топката на бела точка ја наместил малиот 16-годишен Дастан Сатпаев кој ладнокрвно го совлада голманот на Словаците за победа од 1-0 пред реваншот.

Фудбалската федерација на Македонија (ФФМ) на својата страница се пофали дека е промовиран ВАР системот кој за првпат во историјата ќе се употребува во мак-фудбалот, во новата сезона во Прва македонска фудбалска лига (ПМФЛ).

Кореецот беше симбол на Тотенхем. Играше 10 години за Спарс, запиша 454 натпревари, постигна 127 гола и освои пехар во Лига Европа. Решил дека сака да се проба и на друго место, па оди на 32 години во САД каде потпиша со Лос Анџелес. Им се обрати на навивачите на Тотенхем за збогум.

Во дербито на вечерта во 3. квалификациско коло за Лига на шампиони, Феенорд со гол во судиско продолжение го совлада Фенербахче 2-1. Жозе Мурињо имаше поволен резултат до последните секунди од средбата. Сега го чека реванш во Истанбул. После дуелот, на прес-конференција бркаше муви.

Најдобриот корејски фудбалер, Сон Мин е нов фудбалер на Лос Анџелес во МЛС лигата во САД, откако изненадно реши да го напушти Тотенхем. На претставувањето, членка на Градскиот совет на Лос Анџелес, Хитер Хут го прашала Сони дали може да им помогне на САД да го освојат Светското првенство 2026 кое се игра во САД, Канада и Мексико.

Двата клуба кои летово се зближија ептен со неколку трансфери во двата правци, некако ја расипаа калимерата на пријателска средба пред почеток на новата сезона. На познатиот турнир „Жоан Гампер“ организиран од Барселона, пред полувреме на мечот Комо - Бетис, изби голема и масовна тепачка. Иско и Ло Селсо револтирани од неколку остри старта над нив се побуниле и настанал хаосот. Сеск Фабрегас се скарал со фудбалерот Рикелме.

Интер Мајами конечно заигра како треба и со 3-1 на домашен терен го совлада мексикански УНАМ во нокаут фазата од КОНКАКАФ Лига купот. Лионел Меси не играше поради повреда поради која ќе паузира околу 2-3 недели, но затоа неговото отсуство го надополни Уругваецот Луис Суарез кој постигна еден и асистираше за два гола на Интер Мајами.

Премиерлигашот кој зад себе го има најбогатиот државен фонд на светот, оној на кралството Саудиска Арабија, во последно време не може да убоде ќоро зрно на трансфер пазарот. Сè што побараа или ги одби или им избега, или не знаат како да го доведат. Сега последно Манчестер Јунајтед изгледа пред нос им го зема најбараниот европски фудбалер високиот Бенјамин Шешко од РБ Лајпциг.

На еден турнир во Индија, извесен Ајен Монгба од клубот Нагаланд постигнал страшен гол. Сигурно загарантиран кандидат за гол на сезоната и наградата „Ференц Пушкаш“.

На младински фудбал во Тајланд веќе неколку пати се случува иста епизода. Изгледа не учат од лекциите.

Од Португалија стигна уште една тажна вест, дека поранешниот долгогодишен капитен на Порто и португалски репрезентативец Хорхе Коста починал на 53-годишна возраст откако му се слошило во тренинг центарот на Порто. Жозе Мурињо кој му беше тренер на Коста кога сензационално освоија Лига на шампиони во 2004-та година, се расплакал на прес-конференција. 

Ливерпул се чуваше претходните преодни рокови и го стегна каишот, ама летово се отвори на големо и потроши досега 252 милиони фунти со отворена можност да пазари уште некое засилување. Челси е втор, а тука се уште и Арсенал и Сити.

Колумбиецот Џон Дуран има 21 година а веќе има сериозна кариера. Со Астон Вила играше во Лига на шампиони каде забележа неколку добри настапи. Набрзо отиде за рекорден трансфер во Саудиска Арабија и потпиша за 77 милиони евра во Ал Наср кај Кристијано Роналдо. После само неколку месеци се врати во Фенербахче каде ќе игра како позајмен играч. Еден турски новинар тргнал да го интервјуира пред подготвителен натпревар на Фенер, Колумбиецот не разбира турски па одговорот беше: