И покрај тоа што домашните навивачи „го испратија во пеколот“, сепак напаѓачот на Јувентус ги проголта сите навреди и отиде да го гушне довчерашниот соиграч кој ја реши првата полуфинална пресметка со автогол во 91-ва минута.

Нант е клуб кој минува низ многу тежок период од клупската историја. Исто како и Валенсија. И двата клуба едвај крпат крај со крај, но со огромна поддршка од верните навивачи сезонава стигнаа до финалето на Купот во своите земји и можност за излез во еврокуп.

Полуфиналето во португалскиот Куп донесе голема дерби пресметка која ја доби Порто со 1:2 и за која ќе има и реванш. Резултатот го отворија домаќините преку Шпанецот Пабло Сарабија кој го земаа на позајмица од ПСЖ. Едноставна, ама неочекувана комбинаторика.

И покрај тоа што спортот нема никаква поврзаност со војната, сепак секој ден има по некоја санкција за Русите и во оваа област. Последната е повеќе како некој вид протест, односно солидарност. Чудно малце.

Рускиот претседател можеби е меѓу најјаките меѓу колегите, ама не може со Диего Армандо Марадона, кој го има “издриблано“ и тоа на гостински терен.

Бразил отсекогаш важел за погодно тло за врвни фудбалски таленти. Оваа земја на фудбалот му дала и уште му дава сјајни бисери. Да видиме 50 најубави голови на 50 бразилски ѕвезди низ историјата.

Потекнува од фудбалската школа Форца во Тафталиџе која ја води поранешната вардарова легенда, Јовче Џипунов, а сега е член на Работнички за кој дебитираше во прва лига на 16 години. Да не ви е позната приказнава?

2 март 2002-ра, Денис добива топка од Пирес и во дуел игра еден на еден со Никос Дабизас, го изместува Гркот од колосек и го произведува дриблингот кој и ден денес се врти и зборува „А ти текнува Бергкамп еднаш што му направи на тој од Њукасл?“ 

Водени од желбата да ги соголат спортистите од Руска Федерација, англиските медиуми секојдневно бараат познат лик кој ќе им стане бајрактар во битката против рускиот спорт. Го напнаа Томас Тухел, европскиот шампион со Челси кој им рече: „Просто мора да престанете со ова, јас не сум политичар, ние сме спортисти“.

Легендарниот „геније“, човек поради кој многу навивачи го засакаа Милан, отворено ја прокоментирал ситуацијата со санкциите за рускиот спорт поради ситуацијата во Украина.

Како што расте војната во Украина, така се редат санкции во рускиот спорт кои веќе не може да ги пофатиме. Се огласи Спартак Москва, која смета дека спортот, дури и во најтешките моменти, треба да гради мостови, а не да ги руши.

На мечот Малага - Картагена во шпанската втора лига Сегунда дивизион кој заврши 1-1, домаќините поведоа во 56' минута преку Брандон, а гостите израмнија во длабоко судиско продолжение, во 90+4' минута со страшен гол на јапонскиот ветеран Шинџи Оказаки кој во 2016-та со Лестер сензационално ја освои титулата.

Колимор беше еден од поголемите јунаци на љубителите на англискиот фудбал во '90-те години. Играше во повеќе клубови а најмногу се прослави пред славниот КОП на Ливерпул од 1995 до 1997 година кога се изнадава голови. Одвреме-навреме го викаат да гостува по фудбалски емисии.

Во други околности ова ќе беше гол за величање, бидејќи исфрли четворица од игра во стилот на Меси, ама Алексеј Миранчук демонстрираше јасно што е најважно во моментов.

Шериф Тираспол беше најголемо изненадување во еврокуповите. Откако ги елиминираа Црвена звезда и Динамо Загреб и за првпат во клупската историја се пласираа во Лига на шампиони, таму направија сензација откако славеа над Реал на Анчелоти среде Мадрид.

Ако на некој фудбалер меѓу ветераните дефинитивно не му се седи дома, тоа е легендата, иконата и симболот на позицијата голман, Џиџи Буфон. Човек кој не знае за доста и кој постојано ги поместува границите. Човек кој брани неверојатни 27 години, од 1995-та. Неверојатно.

Челси и Ливерпул одиграа супер финале на англискиот Лига Куп но им фалеа само голови. На крајот на пенали славеа црвените и тоа во најдолгата серија во едно финале на англиски Куп. 11-10 за Ливерпул. Промаши голманот на Челси Кепа. А во текот на мечот Колумбиецот Луис Дијаз го имаше најдобриот потег за најавни шпици.

Главниот град на Србија, после четири години, повторно ќе биде домаќин на завршницата на елитната европска клупска кошарка. Најдобрите четири тима од Евролига ќе се сретнат во Белград во месец мај.

Светската куќа на фудбалот ги забрани руското знаме, име и химна, а противниците во плејофот за СП 2022 одбиваат да играат против нив.

Тука е тешко да се сконта кој се брани, а кој напаѓа, а не па да се донесе правилна судиска одлука од прва. Во судиското продолжение на мечот Специја - Рома, не се знаеше кој пие, а кој плаќа пред голот на домаќините.

Јирген Клоп стигна до петтиот трофеј како тренер на Ливерпул и сите пет му се различни: Премиер лига, Лига на шампиони, Супер Куп на Европа, Светско клупско првенство и сега Лига Куп. Овој последниот најнеатрактивен, ама сладок како за прв пат и тоа против европскиот првак Челси на пенали.

Сантос Лагуна го совлада Круз Азул 1-2 со гол во 90+4' минута во натпревар во кој гостинскиот голман Карлос Азеведо направи нешто што не се гледа баш често на фудбалски терени. Ненормални одбрани.

По низа од неколку натпревари, Лучано Спалети одлучи да го седне на клупа Елиф Елмас, што сепак се покажа како добар рецепт. Македонскиот репрезентативец влезе, го освежи нападот на Наполитанците и по шест минути направи асистенција за водство.

Виљареал го згроми Еспањол со 5:1 и тоа благодарение на младиот 19-годишен Јереми Пино. За таков подвиг му требаа само 39 минути и четири удари во противнички гол. Влезе во историјата и постави неколку рекорди.