Ливерпул ги има најдобрите бекови на светот во моментов. Лево ора брзоногиот Енди Робертсон а десно топки како со рака дели Трент Александер-Арнолд. Против Бенфика во Лига на шампиони беа главни автори на победата со сјајни додавања.

Живата легенда на Рома, 45-годишниот Франческо Тоти од 2020-та година сериозно се навлекол на аматерски фудбал 8 на 8. Тој игра за тимот Тоти Спортинг Клуб, основан во тренинг центарот на фудбалската академија која што ја води неговиот брат Рикардо. 

Во полуфиналето на Кралскиот Куп на Саудиска Арабија, Ал Феиха со 1-0 го победила фаворитот Ал Итихад. Најзаслужен за тоа бил ветеранот Владимир Стојковиќ, некогашниот голман на Црвена звезда и Партизан кој на свои 38 години имал неверојатни одбрани. Коментаторот полуде од возбуда.

Таков ден се погодил па мајсторот не можел да погоди ниеднаш. А му наместиле еден куп шанси за гол.

„Против вакво нешто не било лесно во праисторијата, не е лесно ниту денес, а нема да биде лесно ниту во наредните сто илјади години“, изјави Пеп Гвардиола за дефанзивата на Атлетико.

Четата на Јирген Клоп целосно ја оправда фаворитската улога на првото четвртфинале против Бенфика кое го доби со 1:3. Алисон Бекер си дозволи да прави и керефеки, па си поигра еден на еден.

Фудбалерите на Манчестер Сити се изнамачија 70 минути за да најдат лек за дефанзивната тактика на Симеоне и со минимален триумф ќе патуваат во Мадрид. Ливерпул оствари добар резултат на гости против Бенфика кој ветува пласман во топ 4.

„Како денес Сон и Кејн, така и јас и Робин соработувавме. Зборувавме многу, тој го имаше овој однос со Фабрегас во Арсенал и јас зборував многу со Робин за тоа што да напаравам ако ја добијам топката на време. Ќе ме видите како го барам Робин и ќе видите како Робин ја бара топката, тој контакт со очите ми дозволува да додадам, а тој да истрча“, вели Вејн Руни за евроголот на Холанѓанецот со Астон Вила.

Асоцира на хаосот околу пеналот на Чалханоглу, со таа разлика што тука судијава изгледа примил наредба од некој ко Ескобар, дека мора да досуди пенал и ГОЛ, по секоја цена.

Ја заврши кариерата пред пет години кога имаше 40 и не престанува да растура. Од 1:5, неговиот тим на крај одигра 6:6, благодарение на извонредниот Франческо, кој блесна со четири мајстории од кои човек не знае која да ја одбере попрво. Мурињо да го види ова, ќе го земе во тим.

„Физички нема да бидам присутен, ама со мислите сум постојано со вас. Еднаш го поминавме ова заедно и пак ќе го поминеме. Немам сомнеж во тоа. Таков е животот. Тој не е права линија, туку има кривини, падови, подеми и неочекувани дупки во кои можеш да паднеш и треба да бидеш силен да станеш“.

Дечки тргнете се админот на Моцарт да помине. Шегава му е ненадминлива.

Необична вест стигнува од Италија каде еден кров на еден стар храм одамна не бил чистен. Решиле да се качат со механизација и горе што да видат: десетина стари фудбалски топки.

Златан Ибрахимовиќ влезе од клупата да му помогне на Милан да ја пробие одбраната на Болоња која во отсуство на тренерот Михајловиќ освои драгоцен бод (0:0). Милан пропушти шанса да се одлепи повеќе на врвот на табелата, а Златан во еден дуел со Гари Медел во противничкиот шеснаесетник заработи посекотина.

„Имам ќерка и срцето ми се кине од помислата колку деца умираат на нејзина возраст и остануваат сирачиња. Веќе има повеќе од 140 убиени деца и ќе има повеќе ако некој не ја спречи оваа инвазија“.

Дербито на колото во косовското првенство донесе драматичен крај во судиското продолжение кое се жал не заврши на фудбалски начин со последен свиреж на судијата. Работите до толку излегоа од контрола, што гостите одбија да го доиграат.

Брест освои три бода на гостувањето против Монпеље, а при резултат 0:2 во 90-та минута за домаќините имаше пенал. Го изведе и погоди Тежи Савание, кого гостинските навивачи се обидоа да му го одвлечат вниманието. Циркузи.

Во италијанската втора лига Серија Б, Алесандрија и СПАЛ си поделија по бод (2:2). Федерико Вивијано за гостите го даде вториот гол кој се врти по социјалните мрежи на големо. Од четириесет метри распали царот.

ПСЖ конечно заигра како треба и со 5-1 го демолираше Лориен. Головите ги дадоа Нејмар, Мбапе и Меси а последниот на мечот кој го постигна Бразилецот е за гледање неколку пати.

Искусниот 33-годишен швајцарски репрезентативен голман Јан Зомер е најзаслужен што неговата Борусија Менхенгладбах одигра 1-1 со Мајнц и не прими најмалку пет гола. Пантерски одбрани кои влегуваат во најдобри на сезоната во Бундеслига.

Избраниците на Алегри и Инѕаги целосно го оправдаа епитот „дерби на Италија“. Можеби не со убавината на играта, колку со борбата на терен и пожртвуваноста. Судијата Ирати глава не крена од работа. ВАР, пенал, од ново пенал, кавги, картони, глума, остри фаули...

На само неколку мигови пред стартот на мечот Јувентус - Интер, светлата на Алијанц се изгаснаа поради перформансот на италијанската пејачка Гаја Гоци и Украинката Катерина Павленко. Ја изведоа „Imagine“, во чест на Украина, а со нив запеа и публиката. Емотивен момент со порака за мир.

Легендарниот Чави ја препороди Барселона откако и се врати како тренер. Каталонците од средина на табелата стасаа до втора позиција и сега со натпревар помалку се израмнети со Атлетико и Севиља со по 57 бода. Мечот против Севиља го реши Педри на мајсторски начин откако двајца легна на земја.

Фудбалерите на Наполи освоија важни три бода на многу непријатното гостување во Бергамо. Точка на мечот стави Елиф Елмас кој го претрча цел терен и на одличното додавање на Лозано, во дуел еден на еден, итро го реши голманот на Аталанта.