Во 5. коло од аргентинската Примера дивизион, Патронато на домашен терен со 3-1 го совлада Индепендиенте. Иако играа со црвен картон уште од 16’ минута, домашните ги растурија гостите чиј голман беше патарушка.

Ел Чоло на одмор игра шах со син му, а фотографијата е хит, бидејќи стратегот на Атлетико Мадрид има кралица, ама не и крал. На социјалните мрежи се водат битки меѓу мајтапџиите. Еден вели дека го пратил кралот да го паркира автобусот, друг дека оди на 0:0, трет дека игра без крал за инат на Реал, а четврти тоа што го искористивме како наслов.

Селекцијата на Италија на ЕП 2012 во Полска и Украина, под водство на Чезаре Прандели стигна до финале кое го загуби од моќната Шпанија. Во четвртфинале ја елиминираа Англија, а во полуфинале Германија, благодарение на двата гола на 21 годишниот Супер Марио, кој тогаш играше за Манчестер Сити. На денешен ден пред точно 10 години се случи неговата најпозната прослава.

На пријателскиот натпревар меѓу женските фудбалски репрезентации на Чиле и Венецуела кој заврши со победа на гостинките 0-1 на кратко беше прекинат откако некое залутано куче реши да влета на терен за да го погалат.

Капитенот на македонската фудбалска репрезентација реагираше на Инстаграм по повод новите случувања во РК Вардар кој е исклучен од Лига на шампиони и е во потрага на пари за да обезбеди иднина. Првиот човек на клубот Михајло Михајловски денеска соопшти дека побарале спонзорство од 37 компании.

Екипите не ви значат ништо, бидејќи во прашање е третолигашки фудбал во Норвешка. Поентата е да видите што направи јунаков во 95-та минута за израмнување.

Жесток изглед со свиреп израз на лице и Вотсап статус „Јас последен ќе умрам“. Ова не е опис на Џорџо Кјелини, вечниот фајтер на Старата дама, туку илустрација на Федерико Гати, нов касапин кој го наследува славниот Џорџоне во одбраната на Јувентус и на Италија.

Најголемата ѕвезда на трансфер преодниот рок, норвешкиот ѕвер Ерлинг Халанд кој премина од Борусија Дортмунд во Сити за преку 75 милиони евра, во моментов ужива на плажа на Мајорка каде се заиграл слободно фудбал со некои присутни дечки.

Утрово ни тргна со необични фудбалски сцени. Во Африка газда на клуб му удри бокс на судијата бидејќи израмниле гостите, а во Америка физиотерапевтот на Филаделфија доби црвен картон затоа што турнал играч на Њујорк. Коментатор вели дека прв пат гледа вакво нешто, а и ние богами.

Претседателот на Кано незадоволен што гостите израмниле, му влегува на линискиот судија со бокс. Како одговор на тоа, судиите го поништуваат голот за да се вратат дома читави. Самоволие кое го има само во најбофал лиги како што е очигледно нигериската.

15 пати го изгледавме за да сконтаме што му направи. Јасно ни е (веројатно), ама никогаш нема да ни стане јасно како да го повториме, тоест да се обидеме да го повториме.

L’Equipe објави интервју со еден од најголемите уметници со топка, кој синоќа наполни 50 години. Се наврати на 2001-ва кога го направи трансферот во Реал кој му фалел во кариерата како предизвик, а раскажа и колку му било тешко да го повтори успехот во ЛШ, како тренер.

Мајка Јап Стам, која не им се дава на машките на фудбал и по цена на детето.

Португалскиот ас им се пушти на двајцата бразилски репрезентативци Фред и Алекс Тељеш зошто повеќе се снимале отколку што мислеле на фудбал.

Светското првенство 2002-ра на Турците ќе им остане вечно во срце. За тие што можеби не знаат, завршија трети, што е многу тешко да го повторат. Имаа јаки играчи како Хакан Шукур, Емре Белозоглу, Окан Бурук, Хасан Шаш, Нихат Кавечи, Умит Давала. Во осминафинале ја минаа Јапонија, а во четвртфиналето против Сенегал, го постигнаа последниот златен гол кој потоа беше укинат како правило. Го даде Илхан Мансиз во 4 минута од продолженијата. Во полуфинале беа елиминирани од Бразил, но го добија мечот за трето место против Јужна Кореја.

„Не ме примаат зошто сум миланиста“, вели стариот лисец кој во домот на Интер дошол да преговара за двајца фудбалери кои би ги довел во Монца на која со Берлускони ѝ го овозможија првиот историски пласман во Серија А после 100 и кусур години.

Македонскиот репрезентативец му даде топка со очи на Карлос Едуардо на дуелот против Ал Раед кој неговиот тим го загуби со 3:1. Со овој пораз Ал Ахли е блиску до испаѓање, а Алиоски кој сезонава бележи 6 голови и 8 асистенции, по само една сезона во Саудиска Арабија, веројатно ќе се спрема за нов трансфер. Се шпекулира дека ќе оди во Трабзон.

Фрустрирачки е кога губиш 4:0, па уште и да гледаш како противникот си игра мајтап, со понижувачки однос. Фудбалерите на Сантос не можеа повеќе да го толерираат Адсон од Коринтијас кој по високото водство ја гњавеше топката, па му се сипаа.

Саранда со отприлика 20.000 жители, Добој со 71.000 жители, Радовиш со околу 16.000 жители, Панчево со 90.000 се само некои од градовите во Европа кои никогаш немале фудбалски прволигаш. Има градови и со по 214.000 и 188.000 жители кои никогаш не виделе прволигашки фудбал.

Македонската фудбалска репрезентација падна две места на најновото рангирање на ФИФА, објавено денеска.

Во дербито на колумбиското првенство, Атлетико Насионал со 3-1 ја совлада Депортес Толима. Од трите гола, вториот кој падна во 71’ минута беше чудо невидено. Јерсон Кандело од преку пола терен го изненади гостинскиот голман и го распали цел стадион.

Атлетико Минеиро го совлада Фламенго со 2:1 во осминафиналето од Купот на Бразил. Уште по 7 минути игра, Хулк ги збесна навивачите со ретко виден лоб. На голманот нема да му текне друг пат да прави вакви излети.

Да влезе тука, со можност да го остават едно две недели.

Динамо Загреб успеа потајно без голема помпа да го доведе најголемиот хрватски талент во моментов, младиот стопер Бошко Шутало од Аталанта за 3 милиони евра. Интересно, во тимот на нашите Ристовски и Адеми веќе игра еден друг фудбалер со презиме Шутало. И Бошко и Јосип Шутало се стопери. И двајцата се високи 1.88 см, двајцата ги почнале кариерите во ФК Неретва, а немаат никаква роднинска врска.