Формулата „Со малку пари до успех во однос на гигантите“, почна да носи повеќе успешни приказни, а Лестер е само една од нив и е историска.
Но историја има во Севиља, единствениот тим со 5 трофеи во Купот на УЕФА/Лига Европа и тоа освоени во последниве 10 години. По Баерн Минхен во 70-те, ова е прв клуб кој освоил три европски титули по ред.
Унаи Емери е вториот тренер со три пехари во ова натпреварување, но прв со три по ред. Претходно Џовани Трапатони освои два со Јувентус (1976/1977 и 1992/1993) и еден со Интер (1990/1991).
За овој историски подвиг кој тешко дека некој ќе го повтори е заслужен спортскиот директор Рамон Мончи кој дојде пред 16 години и направи систем кој функционира и кој може да кажеме дека носи нереални резултати.
Познат е по тоа што има осет да донесе талентирани играчи за мали пари, да направи од нив име, да освои трофеи и да ги продаде за многу пари. Вредноста на Севиља според Трансфермаркет е околу 200 милиони евра, но сумата која е вложена за играчите кои во моментов го носат дресот е друга и нивната цена по овој успех порасна.
Најскапо платен играч е Стивен Нзонзи, потоа следи Кевин Гамеиро, а најзаслужниот за вчерашниот трофеј кој беше двоен стрелец е купен за 1,8 милиони евра. Коке пристигна во Андалузија во јули 2011-та од Рајо Ваљекано каде се калеше и како младинец.
За колку пари Мончи ги купи играчите кои вчера го шокираа Ливерпул во второ полувреме:
Стивен Нзонзи - 9.750.000
Кевин Гамеиро - 7.500.000
Висенте Ибора - 6.000.000
Гжегож Криховјак - 5.500.000
Адил Рами - 3.500.000
Мариано Фереира - 3.500.000
Хозе Антонио Рејес - 3.500.000
Витоло - 3.200.000
Тимоте Колозиечак - 3.000.000
Серхио Ескудеро - 3.000.000
Евер Банега - 2.500.000
Беноа Тремулинас - 2.500.000
Николас Пареха - 2.500.000
Себастијан Кристофоро - 2.250.000
Бето - 2.200.000
Даниел Карисо - 1.800.000
Коке - 1.800.000
Диого Фигуиерас - 1.000.000
Марко Андреоли - 1.000.000
Јевен Конопљанка – 0
Серхио Рико – 0
Фернандо Љоренте – 0
Михаел Крон Дели – 0
Давид Сорија – 0
Вкупно за овие трансфери Севиља потроши 64.250.000 евра, а трансферот на Рахим Стерлинг од Ливерпул во Манчестер Сити изнесуваше 64.500.000 евра.
