СЕВИЉА - ИНТЕР 3:2 (2:2)
/Де Јонг 12', 33', Диего Карлос 74' - Лукаку 5', Годин 36'/
Тимот од Андалузија го креваше вредниот трофеј во Лига Европа во 2006, 2007, 2014, 2015, 2016 и сега во 2020-та година. Рекордни 6 пати.
По три титули во ова натпреварување претходно познато како Куп на УЕФА имаат Јувентус, Интер, Ливерпул и Атлетико. Од сезоната 2008/2009 турнирот го носи името Лига Европа.
***
На РејнЕнерџи Стадионот во Келн вечерва Интер и Севиља приредија епско финале кое ќе се памети. Уште во првите 45 минути паднаа дури 4 гола, по 2 во двете мрежи.
Поведоа Италијанците од пенал уште во 5' минута кој го реализираше Лукаку (11-ти гол по ред за Белгиецот).
Не помина многу, а Севиља израмни преку фантастичниот холандски шпиц Де Јонг. Истиот играч во 33' минута со прекрасен гол одново со глава ја носи Севиља во водство.
Seven players have scored a brace in a #UELFinal
— William Hill (@WilliamHill) August 21, 2020
2010: 🇺🇾 Diego Forlán (Atlético)
2012: 🇨🇴 Radamel Falcao (Atlético)
2015: 🇨🇴 Carlos Bacca (Sevilla)
2016: 🇪🇸 Coke (Sevilla)
2018: 🇫🇷 Antoine Griezmann
2019: 🇧🇪 Eden Hazard
2020: 🇳🇱 Luuk de Jong
No one has scored a hat-trick. 👀 pic.twitter.com/GBnGnLZMUE
После само 3 минути игра по идентична ситуација, Диего Годин со глава израмни на 2:2 за огромна радост на сите навивачи на Интер покрај малите екрани;
И со тој резултат се замина на полувреме.
Во вториот дел нешто повнимателна игра на двете страни, а први потегнаа Шпанците кои заслужено во 74' повторно дојдоа во предност и тоа со ефектни ножички на стоперот Диего Карлос после кои топката удри во Лукаку и заврши во голот на Хандановиќ.
DIEGO CARLOS WHAT DID YOU DO 🚲#UEL (via @UCLonCBSSports)pic.twitter.com/QRi6VFWfKm
— Yahoo Soccer (@FCYahoo) August 21, 2020
Тоа беше и последен гол на мечот за победа и големо славје на рекордната Севиља.
За тренерот на Севиља Хулен Лопетеги ова е прв трофеј во клупската кариера. Тој претходно освои Европско првенство со Шпанија за играчи до 19 и 20 години.
Лопетеги во кариерата ги тренираше Рајо Ваљекано, Кастиља, Порто, Реал Мадрид и репрезентацијата на Шпанија.
