Најубавата фудбалска бајка синоќа во Лига на шампиони ја испиша Виктор Ѓокереш. Центарфорот на Спортинг Лисабон со хет-трик го растури Манчестер Сити на Пеп Гвардиола и на најубав можен начин го испрати тренерот Рубен Аморим во Јунајтед.
Пазете ги бројкиве на Виктор Ѓокереш чии голови не може да се добројат:
- 19 гола на 14 меча во Португалија и во Лига на шампиони
- 27 гола и 7 асистенции на 20 меча сезонава за клуб и репрезентацијата на Шведска. А уште е само почеток на ноември.
- 7 гола последните два натпревари: пред хет-трикот со Сити имаше покер, четири комада и даде на Ештрела во португалската лига
- 11 погодоци на последните пет натпревари е чудесно нешто
- Во Лига на шампиони досега има 4 гола и 2 асистенции и е најкорисен играч во елитата
- Виктор Ѓокереш стана само втор стрелец на хет-трик во историјата на Лига на шампиони. Пред него тоа му успеа само на Златан Ибрахимовиќ пред неколку сезони
- Ѓокереш има 66 гола на 67 натпревари за Спортинг што е неверојатен учинок.
„Секогаш е убаво кога се даваат голови а уште поубаво кога се дава хет-трик. Можевме да дадеме уште“, блескаше од среќа Виктор по историскиот триумф над Спортинг.
Него веќе активно го бараат најголемите европски клубови, а во прв ред се издвојуваат Манчестер Сити, Арсенал, Челси и Ливерпул. Се појави информација дека португалскиот клуб би бил спремен да прифати понуда од 60-70 милиони евра затоа што на Ѓокереш следното лето му истекува договорот со Спортинг Лисабон а сегашната откупна клаузула му е 100 милиони евра.
