Серија А е прогласена за нумеро 1 лига во светот, македонската е на 60-та позиција

Интернационалната федерација за фудбалска историја и статистика им отвори работа на вечните критичари и хејтери, кои неуморно се караат и убедуваат на Фејсбук која фудбалска лига е најдобра.

ИФФХС ја рангираше Серија А на првата позиција во светот, по 12-ти пат во историјата на годишното рангирање кое почнаа да го прават од 1991-ва.

Премиер лигата, чии љубители се најгласни и за кои Серија А секогаш е тапа за гледање е втора по шести пат во седум години. За најдобра беше прогласена во 2019-та.

Ла Лига исто како минатата година, останува трета, а потоа следува бразилската Серија А која падна од прва на четврта позиција, пред германската која е на петто место.

Во рангот според конфедерации, за најдобри лиги се прогласени Италија, Бразил, Египет, Кореја, Мексико и Нов Зеланд.