Реал Мадрид и официјално на својата страница објави дека склучил 5-годишен договор со Килијан Мбапе. Французинот, светски шампион од 2018-та веќе им се обрати на навивачите: „Пресреќен сум и горд што му се приклучувам на клубот од моите соништа! Никој не може да знае колку сум среќен. Не можам да дочекам да се сретнам со вас, мадридисти и ви благодарам за неверојатната поддршка“.
КОЛКУ ПАРИ РЕАЛ ЌЕ ПОТРОШИ НА МБАПЕ?
Формално Реал Мадрид нема да даде ниту цент за трансферот на Килијан кој доаѓа бесплатно зошто му е истечен договорот со ПСЖ и е слободен агент. Парижаните нема да добијат ни фенинг обештетување.
Но затоа Мбапе има свои лични услови па платата ќе му биде 15 милиони евра годишно плус плата на даноци и плус бонуси за разни ставки: голови, трофеи, асистенции. Има и бонус од 50 милиони евра но разделени на години од договорот (5).
Мбапе станува трет најплатен играч во шпанска Ла Лига после Френки Де Јонг и Роберт Левандовски.
Новинарот Рамон Алварез изнел повеќе детали: Мбапе за првата сезона во Реал ќе добие 15 милиони евра, за втората 16,5 милиони евра, за третата 18 милиони евра, а за четвртата 20 милиони евра. Оваа понуда е далеку пониска од она што Реал Мадрид бил спремен да му го понуди на Мбапе во 2022-ра година кога му нудел 26 милиони евра годишно и бонус од 130 милиони евра за неколку години.
Но дури и со ова Мбапе е најскаполатен играч на Реал Мадрид. Тони Крос досега беше најплатен со 12 милиони европски банкноти.
Договорот на Мбапе и Реал е чист и среден пред Ла Лига.
КАКО КИЛИЈАН И НЕГОВОТО ОПКРУЖУВАЊЕ ПРИФАТИЛЕ ДРАСТИЧНО НАМАЛУВАЊЕ?
Фабрицио Романо, познатиот италијански твитерџија уште есента 2022-ра година пишал како Мбапе и мајка му се извиниле пред Флорентино Перез за тоа што одбиле да дојдат во Мадрид и дека силно жалат за таа одлука. Сметале дека тој одамна ќе ја добиел „Златната копачка“ за најдобар играч на светот ако дошол во Реал.
Во мај 2023-та година се возобновиле контактите меѓу двете страни па разработувале план за можен трансфер во 2023-та и 2024-та.
Шпанска Марка во еден момент пиша дека преговорите прекинале и дека Мбапе веќе не бил предмет на голем интерес на Реал Мадрид односно станал цел а не неопходност. Детално за тоа пишувал клупскиот инсајдер Хозе Феликс Дијаз.
„Мбапе може да прејде во Реал но веќе немаат доверба во него и треба да направи конкретни чекори. Еден од нив е помала плата. Само ако Килијан покаже дека е цврсто решен да игра за Реал, тогаш ќе тргнат по него“.
„Кралевите“ се согласиле на некои отстапки како на пример за таканаречените авторски имиџ права. Мбапе според договорот ќе добива дури 80% од спонзорските договори кои ќе ги потпише додека е во Мадрид. Претходно 70% земал Кристијано Роналдо за ваков договор.
КАКО СОБЛЕКУВАЛНАТА ГО ЧЕКА КИЛИЈАН МБАПЕ?
Кај европскиот шампион е велат се спокојно и никој не се превозбудува за доаѓањето на светскиот шампион Мбапе. Како што пишува Relevo, во соблекувалната на Реал веруваат дека Килијан лесно ќе се вклопи во колективот. Многумина сакаат топло да го пречекаат а тој веќе имал добри односи со Винисус, со Џуд Белингем и со Родриго.
Француски Л’Екип, пак, не е многу оптимистичен по ова прашање и пишува дека внатре во соблекувалната на Реал Мадрид некои сметаат дека Мбапе не и е многу потребен на екипата, а наводно место би можел да изгуби Родриго.
Но тоа се само приказни во доменот на шпекулации а Мбапе е идеален фудбалер за Карло Анчелоти така што стариот искусен лисец ќе најде рецепт за големите ѕвезди во ист тим.
МБАПЕ СЕ СКАРАЛ СО УПРАВАТА НА ПСЖ
Килијан веќе неколку години пушташе сигнали дека му се оди од ПСЖ и дека сака да оди во Реал Мадрид. Во есента 2023-та сајтот Атлетик соопштил дека сè е решено и дека е постигнат договор со Реал Мадрид.
Во мај Килијан официјално објави дека заминува по крајот на сезоната и објави четириминутно видео на социјалните мрежи. После организирал и скара дружење со навивачите на кои им го објаснил решението да замине. Навивачите го испратија на последниот меч со прекрасна кореографија и песни.
„Сакам да им се заблагодарам на навивачите, јас не секогаш ја оправдував љубовта која ми ја даваа сиве овие седум години, но никогаш не сакав никого да лажам, секогаш сакав да бидам ефикасен. Овој клуб ќе ми остане во сеќавање цел живот. За него нема да играм но ќе ги гледам натпреварите зошто секогаш ќе ми биде интересен. Со сите слабости и квалитети се трудев да го дадам најдоброто издание од себе овие седум години.
Сакам да ви кажам благодарам. Без вас не би можел да добијам ни пола од емоциите што ги доживеав. Се надевам ќе ја завршиме сезоната со трофеј. Сите ќе останете во моето срце засекогаш. Извинете“, рекол Килијан во прошталниот говор.
Но извори блиски до клубот велат дека Мбапе не си отишол на мирен начин. Ле Паризиен пишувал дека пред прошталниот меч со Тулуз дома, францускиот репрезентативец се скарал со претседателот на ПСЖ Насер Ел Хелаифи кого го изнервирало тоа што не му се заблагодарил нему во прошталното видео.
Л’Екип уште и додаде дека ПСЖ не му платил плата на Мбапе за април и премии за февруари во износ од 80 милиони евра. Прво планирале дека Мадрид ќе ги покрие тие потреби но кога ги одбиле, решиле да не плаќаат ни тие.
На крајот заврши конечно целата долгогодишна драма и конечно веќе ќе може навивачите да го видат Мбапе во Реал Мадрид.
